ഷെയിന്‍ നിഗം, നീരജ് മാധവ്, ആന്റണി വര്‍ഗീസ് ; ആര്‍ഡിഎക്‌സ് ഷൂട്ടിംഗ് പൂര്‍ത്തിയായി
മിന്നല്‍ മുരളിയ്ക്ക് ശേഷം വീക്കെന്‍ഡ് ബ്ലോക്ബസ്‌റ്റേഴ്‌സ് നിര്‍മിക്കുന്ന പുതിയ ചിത്രം ആര്‍ഡിഎക്‌സ് ചിത്രീകരണം പൂര്‍ത്തിയായി. 'ഗോദ'യുടെ സഹസംവിധായകനായ നഹാസ് ഹിദായത്ത് ആദ്യമായി സംവിധാനം ചെയ്യുന്ന സിനിമയില്‍ ഷെയിന്‍ നിഗം, ആന്റണി വര്‍ഗീസ്, നീരജ് മാധവ് തുടങ്ങിയവരാണ് പ്രധാനവേഷങ്ങളിലെത്തുന്നത്.
റോബര്‍ട്ട്, ഡോണി, സേവ്യര്‍ എന്നിവരാണ് സിനിമയിലെ പ്രധാന കഥാപാത്രങ്ങള്‍. ഈ പേരുകളുടെ ചുരുക്ക രൂപമാണ് 'ആര്‍ഡിഎക്‌സ്'. ആക്ഷന്‍ പശ്ചാത്തലത്തിലാണ് ചിത്രം ഒരുക്കുന്നത്. കമല്‍ ഹസ്സന്‍ ചിത്രമായ 'വിക്രത്തിനു' ആക്ഷന്‍ ചെയ്ത അന്‍പറിവാണ് ഈ ചിത്രത്തിലെ ആക്ഷന്‍ രംഗങ്ങള്‍ ഒരുക്കുന്നത്. കൈതി, വിക്രം വേദ തുടങ്ങി നിരവധി തമിഴ് സിനിമള്‍ക്ക് സംഗീതം നല്‍കിയ സാം.സി.എസ് ആണ് ആര്‍.ഡി.എക്‌സിന് സംഗീതം നിര്‍വഹിക്കുന്നത്. ഷബാസ് റഷീദ് ആദർശ്, സുകുമാരൻ എന്നിവരാണ് ചിത്രത്തിനായി തിരക്കഥ എഴുതിയിരിക്കുന്നത്.
ലാല്‍, മഹിമ നമ്പ്യാര്‍, ഷമ്മി തിലകന്‍, മാല പാര്‍വതി എന്നിവരാണ് ചിത്രത്തിലെ മറ്റു പ്രധാന കഥാപാത്രങ്ങളെ അവതരിപ്പിക്കുന്നത്. ഓണം റിലീസ് ആയി ചിത്രം തീയ്യേറ്ററില്‍ എത്തുമെന്നാണ് പുറത്തുവരുന്ന റിപ്പോര്‍ട്ടുകള്‍ സൂചിപ്പിക്കുന്നത്.
മനു മഞ്ജിത്തിന്റേതാണ് വരികള്‍, അലക്‌സ് ജെ പുളിക്കല്‍ ഛായാഗ്രഹണവും റിച്ചാര്‍ഡ് കെവിന്‍ ചിത്രസംയോജനവും നിര്‍വ്വഹിക്കുന്നു. കലാസംവിധാനം - പ്രശാന്ത് മാധവ്. കോസ്റ്റ്യും - ഡിസൈന്‍ - ധന്യാ ബാലകൃഷ്ണന്‍, മേക്കപ്പ് - റോണക്‌സ് സേവ്യര്‍.ചീഫ് അസ്സോസ്സിയേറ്റ് ഡയറക്ടര്‍ - വിശാഖ്. നിര്‍മ്മാണ നിര്‍വ്വഹണം - ജാവേദ് ചെമ്പ്. പിആര്‍ഒ വാഴൂര്‍ ജോസ്.