ടൊവിനോ തോമസ്, സുരാജ് വെഞ്ഞാറമ്മൂട്, ഐശ്വര്യലക്ഷ്മി എന്നിവര്‍ കേന്ദ്രകഥാപാത്രങ്ങളാകുന്ന കാണെക്കാണെ എന്ന സിനിമയുടെ ഫസ്റ്റ് ലുക്ക് പുറത്തുവന്നു. ഉയരെ എന്ന സിനിമക്ക് ശേഷം മനു അശോകന്‍ സംവിധാനം ചെയ്യുന്ന ചിത്രമാണ് കാണെക്കാണേ. ബോബി-സഞ്ജയ് കൂട്ടുകെട്ടാണ് തിരക്കഥ
പ്രേം പ്രകാശ്, റോണി ഡേവിഡ് രാജ് എന്നിവരും ചിത്രത്തിൽ കഥാപാത്രങ്ങളാകുന്നു. ആൽബി ആന്റണി ഛായാഗ്രഹണവും അഭിലാഷ് ബാലചന്ദ്രൻ എഡിറ്റിങും വിർവ്വഹിക്കുന്നു. വിനായക് ശശികുമാറിന്റെ വരികൾക്ക് രഞ്ജിൻ രാജാണ് സംഗീതം. വിഷ്ണു ഗോവിന്ദ്, ശ്രീ ശങ്കർ എന്നിവരാണ് സൗണ്ട് ഡിസൈൻ. കല - ദിലീപ് നാഥ്, വസ്ത്രാലങ്കാരം - ശ്രേയ അരവിന്ദ് , മേക്കപ്പ് - ജയൻ പൂങ്കുന്നം.
മനുഷ്യബന്ധങ്ങളെ മുന്‍നിര്‍ത്തി വൈകാരിക തലങ്ങളിലൂടെ കഥ പറയുന്ന ത്രില്ലറായിരിക്കും ചിത്രമെന്ന് മനു അശോകന്‍ നേരത്തെ വ്യക്തമാക്കിയിരുന്നു. പെര്‍ഫോര്‍മന്‍സ് ഡ്രിവന്‍ സ്വഭാവമുള്ള ചിത്രമായിരിക്കും.
'ആസ് യു വാച്ച്' എന്ന ടാഗ്ലൈനോടുകൂടി റിലീസ് ചെയ്ത പോസ്റ്റര്‍ മമ്മൂട്ടിയും മോഹന്‍ലാലും ഉള്‍പ്പടെ ഒട്ടുമിക്ക താരങ്ങളും സോഷ്യല്‍ മീഡിയയിലൂടെ പങ്കുവെച്ചിരുന്നു.