സോഷ്യല് മീഡിയയില് വൈറലായ മമ്മൂട്ടിയുടെ നിരവധി സ്റ്റൈലിഷ് ചിത്രങ്ങള് പകര്ത്തിയ ഫോട്ടോഗ്രാഫറാണ് ശ്രീനാഥ് എന് ഉണ്ണികൃഷ്ണന്. കഴിഞ്ഞ ദിവസമായിരുന്നു ശ്രീനാഥിന്റെ വിവാഹം. വിവാഹച്ചടങ്ങില് പങ്കെടുക്കാന് കഴിഞ്ഞില്ലെങ്കിലും വൈകീട്ട് വീട്ടിലെത്തി മമ്മൂട്ടി വധുവിനും വരനും ആശംസകള് നേര്ന്നു.
ദി ഗ്രേറ്റ് ഫാദര്, പതിനെട്ടാംപടി, മാമാങ്കം തുടങ്ങിയ ചിത്രങ്ങളിലെ മമ്മൂട്ടിയുടെ ചിത്രങ്ങള് പകര്ത്തിയത് ശ്രീനാഥായിരുന്നു. ശ്രീനാഥിന്റെ ചിത്രങ്ങളിലൂടെ ആയിരുന്നു ഈ സിനിമകളിലെയെല്ലാം മമ്മൂട്ടിയുടെ ലുക്ക് പുറത്തു വന്നതും. പ്രിയ ഫോട്ടോഗ്രാഫറുടെ വീട്ടില് കുറച്ചു സമയം ചെലവഴിച്ചിട്ടായിരുന്നു താരം മടങ്ങിയതും.
‘ദ ക്യു’ ഇപ്പോള് ടെലഗ്രാമിലും ലഭ്യമാണ്. കൂടുതല് വാര്ത്തകള്ക്കും അപ്ഡേറ്റുകള്ക്കുമായി ടെലഗ്രാം ചാനല് സബ്സ്ക്രൈബ് ചെയ്യാം
നേരത്തെ നടന്ന വിവാഹ സത്ക്കാര ചടങ്ങില് ടൊവിനോയും ഉണ്ണി മുകുന്ദനും അടക്കമുള്ള താരങ്ങളും പങ്കെടുത്തിരുന്നു.