ശ്രീലങ്കയ്ക്കെതിരായുള്ള ടി 20 പരമ്പരയ്ക്കുള്ള ഇന്ത്യൻ ടീമിൽ മലയാളി താരം സഞ്ജു സാംസണിനെ വീണ്ടും നിലനിർത്തി. മുൻപ് നടന്ന രണ്ട് ടി 20 പരമ്പരകളിലും സഞ്ജു അംഗമായിരുന്നെങ്കിലും കളിക്കാൻ അവസരം ലഭിച്ചിരുന്നില്ല. തുടർച്ചയായ ആറു മത്സരങ്ങളിലാണ് താരം ബെഞ്ചിലിരുന്നത്. ഇപ്രാവശ്യമെങ്കിലും സഞ്ജുവിനെ കളത്തിലിറക്കുമെന്നാണ് ആരാധകർ പ്രതീക്ഷിക്കുന്നത്. പരുക്കിൽ നിന്ന് മോചിതനായ ഇന്ത്യയുടെ മുൻനിര പേസർ ജസ്പ്രീത് ബുമ്രയും ടീമിലേക്ക് തിരിച്ചെത്തി. ഓസ്ട്രേലിയക്കെതിരെ നടക്കുന്ന ഏകദിന പരമ്പരയ്ക്കുള്ള ഇന്ത്യൻ ടീമിനെയും പ്രഖ്യാപിച്ചു.
തുടർച്ചയായി കളിക്കുന്ന ഉപനായകൻ രോഹിത് ശർമയ്ക്കും പേസർ മുഹമ്മദ് ഷമിക്കും വിശ്രമം നൽകി. പരുക്കിൽ നിന്ന് മുക്തനായ ഓപ്പണർ ശിഖർ ധവാനും ടി 20, ഏകദിന ടീമുകളിൽ തിരിച്ചെത്തി. ജനുവരി അഞ്ചിന് ഗുവാഹത്തിയിലാണ് ലങ്കയ്ക്കെതിരായ പരമ്പര ആരംഭിക്കുന്നത്. മൂന്ന് മത്സരങ്ങളാണ് പരമ്പരയിൽ ഉൾപ്പെടുന്നത്. ജനുവരി 14ന് ആരംഭിക്കുന്ന ഓസീസിനെതിരായ ഏകദിന പരമ്പരയിലും മൂന്ന് മത്സരങ്ങള് ഇന്ത്യ കളിക്കും.
ദ ക്യു’ ഇപ്പോള് ടെലഗ്രാമിലും ലഭ്യമാണ്. കൂടുതല് വാര്ത്തകള്ക്കും അപ്ഡേറ്റുകള്ക്കുമായി ടെലഗ്രാം ചാനല് സബ്സ്ക്രൈബ് ചെയ്യാം