രാജ്യസഭാ എംപിയും സമാജ്വാദി പാര്ട്ടി മുന് നേതാവുമായ അമര് സിങ്(64) അന്തരിച്ചു. വൃക്ക സംബന്ധമായ അസുഖത്തെ തുടര്ന്ന് ചികിത്സയിലായിരുന്നു. കഴിഞ്ഞ ഏഴ് മാസത്തോളം സിംഗപ്പൂരിലെ മൗണ്ട് എലിസബത്ത് ആശുപത്രിയിലായിരുന്നു അമര് സിങ്.
2008ല് അമേരിക്കയുമായുള്ള ആണവ കരാറിനെ ചൊല്ലി സിപിഎം യുപിഎ സര്ക്കിനുള്ള പിന്തുണ പിന്വലിച്ചപ്പോള്, സമാജ് വാദി പാര്ട്ടി പിന്തുണക്കാന് തീരമാനിച്ചതിന് ചുക്കാന് പിടിച്ചത് അമര് സിങായിരുന്നു.
2013ല് നടത്തിയ വൃക്ക മാറ്റിവെയ്ക്കല് ശസ്ത്രക്രിയയ്ക്ക് ശേഷം പിന്നീട് 2016ല് ആയിരുന്നു സജീവരാഷ്ട്രീയത്തിലേക്ക് അദ്ദേഹം തിരിച്ചെത്തിയത്.