ഡിജിറ്റല്‍ സിനിമയെക്കുറിച്ച് പലരും ആധികാരികമായി സംസാരിക്കുമ്പോള്‍ ഡിജിറ്റല്‍ ഫോര്‍മാറ്റില്‍ മലയാളത്തില്‍ ആദ്യം റിലീസ് ചെയ്ത 'മൂന്നാമതൊരാള്‍' എന്ന സിനിമ പലരും പരാമര്‍ശിക്കാറില്ലെന്ന് സംവിധായകന്‍ വി.കെ.പ്രകാശ്. പെട്ടിയില് വരുന്ന സിനിമ എങ്ങനെ ആകാശത്തിലൂടെ വരുമെന്ന് സംശയം പ്രകടിപ്പിച്ചവരുണ്ട്, അവര്‍ ഇപ്പോള്‍ ഡിജിറ്റല്‍ സിനിമയെക്കുറിച്ച് സംസാരിക്കുന്നു.
വി.കെ പ്രകാശ് പറഞ്ഞത്
കേരളത്തില്‍ അംഗീകരിക്കപ്പെട്ടില്ലെങ്കില്‍ ഈ ശ്രമം ദേശീയ തലത്തില്‍ പരാമര്‍ശിക്കപ്പെട്ടിരുന്നു. ഡെല്‍ കംപ്യൂട്ടര്‍ 'ചൂസ് യുവര്‍ ഓണ്‍ പാത്ത്' കാമ്പയിനില്‍ ഇന്ത്യന്‍ സിനിമയില്‍ നിന്ന് അവര്‍ തെരഞ്ഞെടുത്ത ബ്രാന്‍ഡ് അംബാസിഡര്‍ ഞാന്‍ ആയിരുന്നു. അപ്പപ്പോള്‍ ആരൊക്കെയാണ് വലിയ പേരുകള്‍ എന്ന് നോക്കി അവരുടെ പിന്നാലെ പോകുന്ന ഇന്‍ഡസ്ട്രിയാണ് മലയാളം.
സ്വന്തം ഇഷ്ടപ്രകാരം മനസമാധാനത്തോടെ ഷൂട്ട് ചെയ്യണമെന്ന് കരുതിയാണ് മലയാളത്തില്‍ ലോ ബജറ്റ് സിനിമകള്‍ കൂടുതല്‍ ചെയ്യുന്നത്. മലയാളത്തില്‍ ചിത്രീകരണം ദുഷ്‌കരമാണ്. ഇവിടെ മോണിംഗ് ഷോട്ട് എടുക്കണേല്‍ ഉച്ച വരെ കാത്തിരിക്കണം. ബോളിവുഡില്‍ 'ഫിര്‍ കഭി' ഷൂട്ട് ചെയ്യുമ്പോള്‍ പോലും കുറേക്കൂടി ഓര്‍ഗനൈസ്ഡ് ആയ ഇന്‍ഡസ്ട്രി എന്നാണ് അനുഭവപ്പെട്ടത്. ഓര്‍ഗനൈസ് ചെയ്ത് ചിത്രീകരിക്കുന്നത് കൊണ്ടാണ് വേഗത്തില്‍ സിനിമ ചെയ്യുന്നത്. ഓടിച്ചുചെയ്യുകയോ തട്ടിക്കൂട്ടി ചെയ്യുകയോ അല്ല.
director vk prakash interview Maneesh Narrayanan