കൊച്ചി നഗരത്തിനകത്തെ പല കോളനികളിലൊന്നാണ് സാന്തോം കോളനി. കാറ്റിനെയും മഴയെയും ചാറ്റലിനെയും വരെ ഭയന്ന് ജീവിക്കുന്ന ഒരു കൂട്ടം മനുഷ്യരാണ് ഇവിടത്തെ അന്തേവാസികള്‍. ഭവനപദ്ധതികളും കുടിവെള്ള പദ്ധതികളും പ്രഖ്യാപനത്തില്‍ മാത്രം അവശേഷിക്കുന്നതിന്റെ സാക്ഷ്യവുമാണ് തോപ്പുംപടിയിലെ ഈ കോളനി. മഴക്കാലം ഇവര്‍ക്ക് പകര്‍ച്ചവ്യാധികളുടെയും വീട്ടിനകത്തേക്ക് അഴുക്കുജലം ഒഴുകിയെത്തുന്ന ഭീതിത ഓര്‍മ്മകളുടേതുമാണ്.