ഒടിടിക്ക് മുമ്പുള്ള തരത്തിലുള്ള സ്ത്രീ കഥാപാത്രങ്ങളാണ് ഇപ്പോഴും സിനിമകളില്‍ ഉണ്ടായിരുന്നതെങ്കില്‍ അഭിനയം അവസാനിപ്പിക്കുമായിരുന്നുവെന്ന് നടി നിത്യ മേനോന്‍. ഇന്ന് തനിക്ക് ചെയ്യാന്‍ ആഗ്രഹമുള്ള തരത്തിലുള്ള കഥാപാത്രങ്ങള്‍ ഉണ്ടാകുന്നുണ്ടെന്നും നിത്യ ദ ക്യുവിനോട് പറഞ്ഞു.

നിത്യ മേനോന്‍ പറഞ്ഞത് :

സ്ത്രീ കഥാപാത്രങ്ങളുടെ കാര്യത്തില്‍ തീര്‍ച്ചയായും മാറ്റം ഉണ്ടായിട്ടുണ്ട്. ഒടിടിയെല്ലാം വരുന്നതിന് മുമ്പുള്ള കഥാപാത്രങ്ങളാണ് ഇപ്പോഴും ഉണ്ടാകുന്നതെങ്കില്‍ ഞാന്‍ ഒരു പക്ഷെ അഭിനയം നിര്‍ത്തിയിട്ടുണ്ടാകും. കാരണം എനിക്ക് അത് ഒരുപാട് കാലം തുടരാന്‍ സാധിക്കില്ല.

ഞാന്‍ കുറച്ച് കൂടെ ചെറുപ്പമായിരുന്ന സമയത്ത് തെലുങ്കിലെല്ലാം ഹീറോ, ഹീറോയിന്‍ സിനിമകള്‍ ഒരുപാട് ചെയ്തിട്ടുണ്ട്. പക്ഷെ എന്റെ ചിന്താഗതിയും പ്രായവും മാറിയതിന് അനുസരിച്ച് സ്ത്രീ കഥാപാത്രങ്ങളുടെ പോട്ട്രെയലിലും മാറ്റം വന്നു. ടൈമിംഗ് ഭയങ്കര പെര്‍ഫെക്ട് ആയിരുന്നു. ഇപ്പോള്‍ എനിക്ക് ഇഷ്ടമുള്ള കഥാപാത്രം ചെയ്യാനുള്ള സ്‌പേസുണ്ട്.