ലോക്ക്ഡൗണ് സമയത്തെങ്കിലും മനുഷ്യരെ സാമ്പത്തികാടിസ്ഥാനത്തില്‍ തരം തിരിക്കാതെ കാണണം എന്ന പ്രമേയവുമായി ഷോര്‍ട്ട് ഫിലിം. മമ്മൂട്ടിയുടെ ഫേസ്ബുക്ക് പേജിലൂടെയാണ് ചെറുസിനിമ റിലീസ് ചെയ്തത്. ചങ്ങനാശേരി സ്വദേശി നഹാസ് നാസ്സര്‍ ആണ് സംവിധാനം.
'ഞാന്‍ പ്രകാശന്‍' , 'കെട്ട്യോളാണ് എന്റെ മാലാഖ' എന്നി ചിത്രങ്ങളില്‍ കഥാപാത്രമായിരുന്ന സ്മിനു സിജോയും ഡോ.എംബി മുഹമ്മദ് സാദിഖുമാണ് പ്രധാന വേഷങ്ങള്‍ കൈകാര്യം ചെയ്തിരിക്കുന്നത്. ഇവരെ കൂടാതെ സഞ്ജന നഹാസ് , ഫഹദ് താസിം, നാസറുദീന്‍ അബ്ദുല്‍ റസാഖ്, റെമീസ് റഷീദ്, നസ്ലീന്‍ ശ്രീജിത്ത് എസ് , അജാസ് എന്നിവര്‍ മറ്റു കഥാപാത്രങ്ങളെ അവതരിപ്പിച്ചിരിക്കുന്നു.
തിരക്കഥ തസ്ലീം റസാകും ക്യാമറ സുബിന്‍ മാത്യുവും എഡിറ്റിംഗ് നിഷാദ് യുസുഫും മ്യൂസിക് ടോണി ജോസഫും നിര്‍വഹിച്ചിരിക്കുന്നു.സുരാജ് വെഞ്ഞാറമ്മൂടിന്റെ അവതരണത്തിലാണ് ഈ ചെറുചിത്രം.