സ്ഫടികം സിനിമയിലെ പരുമല ചെരുവിലെ എന്നു തുടങ്ങുന്ന ഗാനത്തിന്റെ 'മഞ്ജു വാര്യര്‍ വേര്‍ഷന്‍' സോഷ്യല്‍ മീഡിയയില്‍ വൈറലായിരിക്കുകയാണ്. ഫ്‌ളവേഴ്‌സ് ചാനലിലെ ഒരു പരിപാടിയിലെ ദൃശ്യങ്ങള്‍ മഞ്ജു തന്നെയാണ് സോഷ്യല്‍ മീഡിയയിലൂടെ പങ്കുവെച്ചത്.

മോഹന്‍ലാലിനൊപ്പം മുകേഷും രമേഷ് പിഷാരടിയുമടക്കം കാഴ്ച്ചക്കാരായി വേദിയിലുണ്ടായിരുന്നു. പാട്ടിനിടയില്‍ 'ഈ ഓട്ടക്കാലണക്ക് വിലയുണ്ടെന്ന് കടുവാ ചാക്കോയ്ക്ക് നീ കാണിച്ചു കൊടുത്തു, പകരം നിനക്ക് എന്ത് വേണം' എന്ന സിനിമയിലെ ഡയലോഗ് കേള്‍ക്കാം, ഇതിന് മറുപടിയായാണ് മോഹന്‍ലാലിനോട് മഞ്ജു കണ്ണട ചോദിക്കുന്നത്.

രമേഷ് പിഷാരടിയും മുകേഷും മോഹന്‍ലാലിനെ കണ്ണട നല്‍കാന്‍ നിര്‍ബന്ധിക്കുകയും, രമേഷ് പിഷാരടി കണ്ണട എടുത്തുകൊണ്ടുപോയി മഞ്ജുവിന് നല്‍കുകയുമായിരുന്നു. രസകരമായ അനുഭവമായിരുന്നു അതെന്ന് വീഡിയോ പങ്കുവെച്ച് മഞ്ജു വാര്യര്‍ കുറിച്ചു.

ക്യു’ ഇപ്പോള്‍ ടെലഗ്രാമിലും ലഭ്യമാണ്. കൂടുതല്‍ വാര്‍ത്തകള്‍ക്കും അപ്‌ഡേറ്റുകള്‍ക്കുമായി ടെലഗ്രാം ചാനല്‍ സബ്‌സ്‌ക്രൈബ് ചെയ്യാം

ദ ക്യു പ്രോഗ്രാമുകള്‍ക്കും വീഡിയോകള്‍ക്കുമായി ഞങ്ങളുടെ യൂട്യൂബ് ചാനല്‍ ഈ ലിങ്കില്‍ സബ്‌സ്‌ക്രൈബ് ചെയ്യാം

Spadikam Song Manju Version Video