'മിന്നല്‍ മുരളി', 'മഹേഷിന്റെ പ്രതികാരം', 'ജാന്‍ എ മന്‍' തുടങ്ങി നിരവധി സിനിമകളിലൂടെ പ്രശസ്തനായ നടന്‍ ഹരീഷ് പേങ്ങനെ കരള്‍ സംബന്ധമായ അസുഖത്തെത്തുടര്‍ന്ന് ഐ സി യു വിൽ പ്രവേശിപ്പിച്ചു. കരള്‍ മൊത്തമായും പ്രവര്‍ത്തനരഹിതമായെന്നും കരള്‍ മാറ്റിവക്കല്‍ ശസ്ത്രക്രിയ വേണ്ടിവരുമെന്ന് ഡോക്ടര്‍മാർ അറിയിച്ചതായും ഹരീഷ് പേങ്ങന്റെ സഹോദരി ശ്രീജ പേങ്ങന്‍ പറഞ്ഞു. വയറ്റില്‍ ഇന്‍ഫെക്ഷന്‍ ഉണ്ടെന്നും അത് കുറഞ്ഞാല്‍ മാത്രമേ ഓപ്പറേഷന്‍ നടത്താനാകൂ എന്ന് ഡോക്ടര്‍മാർ അറിയിച്ചതായും ശ്രീജ പേങ്ങന്‍ പറഞ്ഞു. സഹോദരിയായ ശ്രീജ പേങ്ങന്‍ തന്നെയാണ് ഹരീഷിനായി കരള്‍ ദാനം ചെയ്യുന്നത്.

കുറച്ചു ദിവസങ്ങള്‍ക്കു മുന്‍പ് അദ്ദേഹത്തിനൊരു വയറുവേദന ഉണ്ടായി, അതുവഴി ഇന്‍ഫെക്ഷന്‍ പടര്‍ന്നു വേഗം ബ്‌ളഡിലേക്കും കരളിലേക്കും ബാധിച്ചു. ഇന്‍ഫെക്ഷന്‍ ഇപ്പോഴും നിലനില്‍ക്കുന്നതിനാല്‍ ഓപ്പറേഷന്‍ ചെയ്യുക അസാധ്യമാണ്, അതുകൊണ്ട് അടുത്ത പത്തു ദിവസത്തിനുള്ളില്‍ ഇന്‍ഫെക്ഷന്‍ എപ്പോള്‍ കുറയുന്നു എന്നതിന്റെ അടിസ്ഥാനത്തില്‍ ഉടനടി ഓപ്പറേഷന്‍ നടത്തുമെന്നും സഹോദരി ശ്രീജ പേങ്ങന്‍ പറഞ്ഞു

സര്‍ജറിക്കായി 21 ലക്ഷം രൂപ ചിലവുണ്ടാകും എന്നാണു ഡോക്ടര്‍മാര്‍ അറിയിച്ചിരിക്കുന്നത് ഓപ്പറേഷന്‍ കഴിഞ്ഞുള്ള ചിലവും കോംപ്ലിക്കേഷന്‍സ് ഉണ്ടായാലുള്ള സാധ്യത കൂടി കണക്കിലെടുത്ത് 30 ലക്ഷമാണ് ചികിത്സക്കായി ഡോക്ടര്‍മാര്‍ പറയുന്നത്. 10 ദിവസത്തിനുള്ളില്‍ ഫണ്ട് കണ്ടെത്തണം. ഇപ്പോള്‍ അതിനായുള്ള ഓട്ടത്തിലാണ് താന്‍ എന്നും ശ്രീജ പേങ്ങന്‍ പറയുന്നു.

സിനിമാ മേഖലയില്‍ നിന്ന് നിരവധി പേര് അദ്ദേഹത്തിന്റെ ആരോഗ്യസ്ഥിതി അറിയാനായി വിളിക്കുന്നുണ്ട് കൂടാതെ ചെറിയ തോതിലുള്ള സഹായങ്ങളും ലഭിക്കുന്നുണ്ട്. അദ്ദേഹത്തിന്റെ സുഹൃത്തുക്കള്‍ നിരവധി പേരുണ്ട് അവരും ഇപ്പൊ സഹായങ്ങള്‍ ചെയ്യുന്നുണ്ടെന്നും ശ്രീജ പേങ്ങന്‍ പറഞ്ഞു.

SREEJA. M. NAIR

Savings Account : 338202120002191

UNION BANK OF INDIA

Branch : Athani, Ernakulam District, Kerala

IFSC CODE: UBINO533823

Sreeja GPay Number - 7982497909