നടന്‍ ബാബുരാജ് വഞ്ചനക്കേസില്‍ അറസ്റ്റില്‍. റവന്യു നടപടി നേരിടുന്ന ക്ലലാറിലെ റിസോര്‍ട്ട് പാട്ടത്തിന് നല്‍കി പണം തട്ടി എന്നതാണ് നടനെതിരെയുള്ള കുറ്റം. അടിമാലി പൊലീസാണ് ബാബുരാജിനെ അറസ്റ്റ് ചെയ്തത്.

ഹൈക്കോടതിയുടെ നിര്‍ദ്ദേശം അനുസരിച്ച് ബാബുരാജ് പൊലീസ് സ്റ്റേഷനില്‍ ഹാജരാവുകയായിരുന്നു. തുടര്‍ന്ന് അറസ്റ്റ് രേഖപ്പെടുത്തി മെഡിക്കല്‍ പരിശോധന നടത്തി കോടതിയില്‍ ഹാജരാക്കി. അന്വേഷണ ഉദ്യോഗസ്ഥനായ അടിമാലി എസ്.ഐ ബാബുരാജിന്റെ മൊഴി രേഖപ്പെടുത്തി.