മലയാളത്തിലെ ആദ്യ ട്രാൻസ്‌ജെൻഡർ നായികാ അഞ്ജലി അമീറിന് യു.എ.ഇ ഗോൾഡൻ വിസ ലഭിച്ചു. ട്രാൻസ്‌ജെൻഡർ വിഭാഗത്തിൽ ഇതാദ്യമായാണ് യു.എ.ഇ ഗോൾഡൻ വിസ അനുവദിക്കുന്നത് . ട്രാൻസ്‌ജെൻഡർ നടിയും മോഡലുമായ അഞ്ജലി അമീർ പേരമ്പ് എന്ന മമ്മൂട്ടി ചിത്രത്തിലൂടെയാണ് ശ്രദ്ധേയയാകുന്നത്.
ഓട്ടിസം ബാധിതർക്കും ട്രാൻസ്ജെന്ഡേഴ്സിനും കൂടുതൽ സ്വീകാര്യത നേടിക്കൊടുത്ത ചിത്രം കൂടിയാണ് മമ്മൂട്ടി ചിത്രമായ പേരമ്പ് .അപ്പാനി ശരത് ചിത്രമായ ബെർണാഡിൽ നായികയായെത്തുന്നത് അഞ്ജലിയാണ് . ദുബായിലെ സർക്കാർ സേവന ദാതാക്കളായ ഇ.സി.എച്ചാണ് അഞ്ജലി അമീറിന്‍റെ വിസ നടപടി ക്രമങ്ങൾ പൂർത്തീകരിച്ചത് , ചടങ്ങിൽ സി.ഇ. ഒ ഇഖ്ബാൽ മാർക്കോണി , റസ്സൽ , പി.എം അബ്ദുറഹ്മാൻ , ആദിൽ സാദിഖ് എന്നിവ സംബന്ധിച്ചു