ലിജോ ജോസ് പെല്ലിശേരിയുടെ ജെല്ലിക്കെട്ട് 2019ല് ഏറ്റവുമധികം കാത്തിരിക്കുന്ന സിനിമകളിലൊന്നാണ്. വിഖ്യാതമായ ടൊറന്റോ ഇന്റര്നാഷനല് ഫിലിം ഫെസ്റ്റിവലിലാണ് സിനിമയുടെ ആദ്യ പ്രദര്ശനം.
രാജ്യാന്തര മേളകളിലെ പ്രദര്ശനത്തിന് പിന്നാലെയായിരിക്കും കേരളത്തില് സിനിമയുടെ റിലീസ്. സമകാലിക ലോക സിനിമ വിഭാഗത്തിലാണ് ജെല്ലിക്കെട്ട് പ്രദര്ശിപ്പിക്കുന്നത്. സെപ്തംബര് 5 മുതല് 15 വരെയാണ് ടൊറന്റോ ഇന്റര്നാഷനല് ഫിലിം ഫെസ്റ്റിവല്.
കാന്സ് ഫിലിം ഫെസ്റ്റിവലില് ഗ്രാന്ഡ് പ്രിക്സ് ജേതാവായ അറ്റ്ലാന്റിക്സ് കണ്ടംപററി വേള്ഡ് സിനിമാ വിഭാഗത്തില് ജെല്ലിക്കെട്ടിനൊപ്പം പ്രദര്ശിപ്പിക്കുന്ന സിനിമകളിലൊന്നാണ്.