വാശിയേറിയ ആട് ലേലത്തില് പങ്കാളികളായി എഴുത്തുകാരന് ബെന്യാമിനും വ്യവസായ മന്ത്രി പി.രാജീവും. കളമശ്ശേരി കാര്ഷികോത്സവ വേദിയിലാണ് കൗതുകക്കാഴ്ച അരങ്ങേറിയത്. മന്ത്രി പി.രാജീവിന്റെ നേതൃത്വത്തില് സംഘടിപ്പിക്കുന്ന കാര്ഷികോത്സവ വേദിയില് ഒരുക്കിയ ലേലത്തറയിലാണ് ആടിനെ ലേലം ചെയ്തത്. കാര്ഷികോല്സവത്തോട് അനുബന്ധിച്ച് നടത്തിയ ലിറ്ററേച്ചര് സെഷനില് പങ്കെടുക്കാനെത്തിയ ബെന്യാമിന് ലേലത്തിലും പങ്കാളിയാവുകയായിരുന്നു. ലേലത്തുക വയനാടിനു വേണ്ടി മുഖ്യമന്ത്രിയുടെ ദുരിതാശ്വാസ നിധിയിലേക്ക് നല്കുമെന്ന് പ്രഖ്യാപിച്ചിരുന്നു. ഇതോടൊയാണ് ബെന്യാമിനും ലേലത്തില് പങ്കെടുത്തത്. മന്ത്രി രാജീവും ലേലത്തില് പങ്കാളിയായി.
ലേലത്തിനൊടുവില് 13, 800 രൂപക്ക് കളമശ്ശേരി സ്വദേശി നൗഷാദ് ആടിനെ സ്വന്തമാക്കി. ലേലത്തുക വേദിയില് വച്ച് തന്നെ വയനാടിന് വേണ്ടി മുഖ്യമന്ത്രിയുടെ ദുരിതാശ്വാസ നിധിയിലേക്ക് കൈമാറുകയും മന്ത്രി രാജീവ് തുക ഏറ്റുവാങ്ങുകയും ചെയ്തു. യഥാര്ത്ഥ വിലയുടെ മൂന്നിരട്ടിയിലേറെ തുകക്ക് ആടിനെ ലേലം കൊണ്ടെങ്കിലും സംഘാടകര്ക്ക് തന്നെ നൗഷാദ് ആടിനെ തിരിച്ചു നല്കി. ഈ ആടിനെ വീണ്ടും ലേലം ചെയ്യും. തുക CMDRF ലേക്ക് നല്കും.