രാജ്യത്ത് കൊവിഡ് 19 ബാധിതരുടെ എണ്ണം വര്‍ധിക്കുന്നു. കഴിഞ്ഞ 24 മണിക്കൂറിനിടെ 49,931 പേര്‍ക്കാണ് രോഗം സ്ഥിരീകരിച്ചത്. ഏറ്റവും വലിയ പ്രതിദിന വര്‍ധനവാണ് ഇത്. ഇതോടെ രാജ്യത്ത് ആകെ രോഗം സ്ഥിരീകരിച്ചവരുടെ എണ്ണം 14,35,453 ആയി.

ക്യു’ ഇപ്പോള്‍ ടെലഗ്രാമിലും ലഭ്യമാണ്. കൂടുതല്‍ വാര്‍ത്തകള്‍ക്കും അപ്‌ഡേറ്റുകള്‍ക്കുമായി ടെലഗ്രാം ചാനല്‍ സബ്‌സ്‌ക്രൈബ് ചെയ്യാം

4.85 ലക്ഷം പേരാണ് നിലവില്‍ ചികിത്സയിലുള്ളത്. 9.17 ലക്ഷം പേര്‍ രോഗമുക്തരായി. കഴിഞ്ഞ ദിവസം മാത്രം 708 മരണം റിപ്പോര്‍ട്ട് ചെയ്തു. 32,771 പേരാണ് കൊവിഡ് ബാധിച്ച് ഇതുവരെ മരിച്ചത്.

രാജ്യത്ത് ഏറ്റവും അധികം രോഗികള്‍ ഉള്ളത് മഹാരാഷ്ട്രയിലാണ്. 9,431 പേര്‍ക്കാണ് പുതുതായി രോഗം സ്ഥിരീകരിച്ചത്. 267 പേര്‍ കഴിഞ്ഞ 24 മണിക്കൂറിനിടെ മരിച്ചു. ആകെ രോഗം സ്ഥിരീകരിച്ചവരുടെ എണ്ണം 3,75,799 ആണ്.

തമിഴ്‌നാട്ടില്‍ ഞായറാഴ്ച മാത്രം 6,98 പേര്‍ക്ക് കൊവിഡ് സ്ഥിരീകരിച്ചു. 2,13,723 പേര്‍ക്കാണ് ആകെ രോഗം സ്ഥിരീകരിച്ചിരിച്ചത്. 53,703 പേര്‍ നിലവില്‍ ചികിത്സയിലുണ്ട്. രാജ്യത്ത് ഇതുവരെ 1,68,06,803 സാമ്പിളുകള്‍ പരിശോധിച്ചതായി ഐസിഎംആര്‍ അറിയിച്ചു.

ദ ക്യു പ്രോഗ്രാമുകള്‍ക്കും വീഡിയോകള്‍ക്കുമായി ഞങ്ങളുടെ യൂട്യൂബ് ചാനല്‍ ഈ ലിങ്കില്‍ സബ്‌സ്‌ക്രൈബ് ചെയ്യാം