പൗരത്വ ഭേദഗതി നിയമം ചോദ്യം ചെയ്തു കൊണ്ടുള്ള ഹര്ജികളില് കേന്ദ്ര സര്ക്കാരിന് സുപ്രീംകോടതിയുടെ നോട്ടീസ്. ജനുവരി രണ്ടാം വാരത്തിനുള്ളില് മറുപടി നല്കണമെന്ന് സുപ്രീംകോടതി നിര്ദേശിച്ചു. ചീഫ് ജസ്റ്റിസ് എസ് എ ബോബ്ഡെ അധ്യക്ഷനായ ബെഞ്ചാണ് ഹര്ജികള് പരിഗണിക്കുന്നത്. ജസ്റ്റിസുമാരായ ബി ആര് ഗവായ്, സൂര്യകാന്ത് എന്നിവരാണ് ബെഞ്ചിലുള്ളത്. നിയമം സ്റ്റേ ചെയ്യരുതെന്ന് കേന്ദ്ര സര്ക്കാര് കോടതിയില് ആവശ്യപ്പെട്ടു.
സ്റ്റേ ചെയ്യണമെന്ന ഹര്ജികളാണ് കോടതി പരിഗണിക്കുന്നത്. ഇക്കാര്യം പരിശോധിക്കേണ്ടതുണ്ടെന്ന് ചീഫ് ജസ്റ്റിസ് എസ് എ ബോബ്ഡെ വ്യക്തമാക്കി. നിയമത്തിലെ വ്യവസ്ഥകള്ക്ക് പ്രചാരണം നല്കണമെന്നും കോടതി നിര്ദേശിച്ചു. കേസ് ജനുവരി 22 ന് പരിഗണിക്കും. പൗരത്വ ഭേദഗതി നിയമം ചോദ്യം ചെയ്തു കൊണ്ടുള്ള അറുപത് ഹര്ജികളാണ് സുപ്രീംകോടതിക്ക് മുന്നിലുള്ളത്.
കോടതി നോട്ടീസ് അയച്ചതില് പ്രതീക്ഷയുണ്ടെന്ന് പി കെ കുഞ്ഞാലിക്കുട്ടി എം പി പ്രതികരിച്ചു. നിയമമായെങ്കിലും സാങ്കേതികമായി പ്രാബല്യത്തിലാവാത്തതിനാലാണ് കോടതി സ്റ്റേ ചെയ്യാതിരുന്നത്. കോടതിയുടെ ഇതുവരെയുള്ള ഇടപെടലുകളില് നല്ല സൂചനയാണെന്നും പി കെ കുഞ്ഞാലിക്കുട്ടി പറഞ്ഞു.
‘ദ ക്യു’ ഇപ്പോള് ടെലഗ്രാമിലും ലഭ്യമാണ്. കൂടുതല് വാര്ത്തകള്ക്കും അപ്ഡേറ്റുകള്ക്കുമായി ടെലഗ്രാം ചാനല് സബ്സ്ക്രൈബ് ചെയ്യാം