സംസ്ഥാനത്ത് കുപ്പിവെള്ളത്തിന് വിലനിയന്ത്രണം നിലവില് വന്നു. ലിറ്ററിന് 13 രൂപ മാത്രമേ ഈടാക്കാന് പാടുള്ളുവെന്ന് സര്ക്കാര് ഉത്തരവിറക്കി. കൂടുതല് വില ഈടാക്കിയാല് നടപടിയെടുക്കും.
ദ ക്യു’ ഇപ്പോള് ടെലഗ്രാമിലും ലഭ്യമാണ്. കൂടുതല് വാര്ത്തകള്ക്കും അപ്ഡേറ്റുകള്ക്കുമായി ടെലഗ്രാം ചാനല് സബ്സ്ക്രൈബ് ചെയ്യാം
കഴിഞ്ഞ മാസം പന്ത്രണ്ടിനാണ് കുപ്പിവെള്ളത്തിന് വിലനിയന്ത്രണം ഏര്പ്പെടുത്തുന്നതിനുള്ള ഉത്തരവില് മുഖ്യമന്ത്രി പിണറായി വിജയന് ഒപ്പുവെച്ചത്. അവശ്യസാധനങ്ങളുടെ വിലനിയന്ത്രണ നിയമത്തിന്റെ പരിധിയില് ഉള്പ്പെടുത്തിയാണ് നടപടി. ഉത്തരവിറങ്ങിയെങ്കിലും വിജ്ഞാപനം വന്നിട്ട് പരിശോധന കര്ശനമാക്കാമെന്നാണ് ലീഗല് മെട്രോളജി വകുപ്പിന്റെ തീരുമാനം.
വിജ്ഞാപനത്തിന്റെ കരട് നിയമവകുപ്പിനയച്ചിരിക്കുകയാണ്. 20 രൂപയ്ക്കാണ് ഇപ്പോള് കടകളില് വെള്ളം വില്ക്കുന്നത്. വെള്ളത്തിന്റെ ഗുണനിലവാരത്തിലും കര്ശന നിര്ദേശങ്ങള് കൊണ്ടുവരാനും സര്ക്കാര് ആലോചിക്കുന്നുണ്ട്.