Around us

ബിനീഷ് കോടിയേരിക്ക് ക്ലീന്‍ ചീറ്റില്ലെന്ന് ഇഡി; വീണ്ടും ചോദ്യം ചെയ്യും

സ്വര്‍ണക്കടത്ത് കേസുമായി ബന്ധപ്പെട്ട് എന്‍ഫോസ്‌മെന്റ് ഡറക്ടറേറ്റ് ചോദ്യം ചെയ്ത ബിനീഷ് കോടിയേരിക്ക് ക്ലീന്‍ ചീറ്റില്ല. നിലവില്‍ ശേഖരിച്ചത് പ്രാഥമിക വിവരങ്ങള്‍ മാത്രമാണെന്നും വീണ്ടും ചോദ്യം ചെയ്യുമെന്നും എന്‍ഫോഴ്‌സ്‌മെന്റ് വൃത്തങ്ങള്‍ വ്യക്തമാക്കി. മൊഴികള്‍ വിശദമായി പരിശോധിച്ച ശേഷം അടുത്ത ആഴ്ച ബിനീഷിനെ വീണ്ടും ചോദ്യം ചെയ്യാന്‍ വിളിപ്പിക്കുമെന്നാണ് വിവരം.

ബുധനാഴ്ച 12 മണിക്കൂറോളമാണ് ബിനീഷിനെ ഇഡി ചോദ്യം ചെയ്തത്. ലഹരിമരുന്ന് കേസിലെ പ്രതികള്‍ സ്വര്‍ണക്കടത്തിന് സഹായിച്ചിട്ടുണ്ടോ എന്നത് സംബന്ധിച്ച വിവരങ്ങള്‍ക്ക് പുറമേ ബിനീഷിന്റെ സാമ്പത്തിക ഇടപാടുകളെ കുറിച്ചും വിവരങ്ങള്‍ ചോദിച്ചിരുന്നു. യുഎഇ കോണ്‍സുലേറ്റിലെ വിസ സ്റ്റാംപിങ് കേന്ദ്രത്തിന്റെ കരാര്‍ ലഭിച്ച യുഎഎഫ്എക്‌സ് സൊല്യൂഷന്‍സ്, ലൈഫ് മിഷന്‍ ഭവന നിര്‍മ്മാണ പദ്ധതിയുടെ കരാര്‍ ലഭിച്ച യൂണിടാക് ബില്‍ഡേഴ്‌സ് തുടങ്ങിയ കമ്പനികളുമായുള്ള ബന്ധത്ത കുറിച്ചും ചോദ്യങ്ങളുണ്ടായി എന്നാണ് റിപ്പോര്‍ട്ട്.

ക്യു’ ഇപ്പോള്‍ ടെലഗ്രാമിലും ലഭ്യമാണ്. കൂടുതല്‍ വാര്‍ത്തകള്‍ക്കും അപ്‌ഡേറ്റുകള്‍ക്കുമായി ടെലഗ്രാം ചാനല്‍ സബ്‌സ്‌ക്രൈബ് ചെയ്യാം

സ്വര്‍ണക്കടത്ത് കേസിലെ പ്രതിയായ അനൂപ് മുഹമ്മദിന്റെ ഫോണില്‍ നിന്ന് സ്വര്‍ണക്കടത്ത് കേസിലെ മുഖ്യപ്രതി കെടി റമീസിന്റെ നമ്പര്‍ അന്വേഷണ ഏജന്‍സികള്‍ക്ക് ലഭിച്ചിരുന്നു. ഇതിന്റെ അടിസ്ഥാനത്തിലാണ് അനൂപ് മുഹമ്മദുമായി അടുത്ത ബന്ധമുള്ള ബിനീഷ് കോടിയേരിയെ എന്‍ഫോഴ്‌സ്‌മെന്റ് ചോദ്യം ചെയ്തത്.

തലമുറകളുടെ രുചിക്കൂട്ട്; ഷാർജ പുസ്തകോത്സവത്തിൽ ഒമാനി ഹൽവയുടെ മധുരം

ഷാർജ പുസ്തകോത്സവത്തിന് നാളെ സമാപനം

കളങ്കാവലിലെ സ്റ്റീഫനിൽ നിന്ന് ബാഹുബലി നിർമ്മാതാക്കളുടെ 'ജോൺ ഡോ'യിലേക്ക്: സുശീൽ സുരേന്ദ്രൻ അഭിമുഖം

'മെറിബോയ്സ്' റിലീസ് ഡിസംബറിൽ; ചിത്രത്തിലെ ആദ്യ ക്യാമ്പസ് ഗാനം പുറത്തിറങ്ങി

ഭാവനയിലൂടെ യാഥാർഥ്യത്തെ മാറ്റാം; കഥകളുടെ ലോകം ചർച്ച ചെയ്ത് പുസ്കകമേള

SCROLL FOR NEXT