സംസ്ഥാനത്തെ പാതയോരങ്ങളില് പൊതു ശുചിമുറികള് നിര്മ്മിക്കാന് മന്ത്രിസഭ തീരുമാനിച്ചു. സ്ത്രീകള്ക്കും പുരുഷന്മാര്ക്കുമായി പ്രത്യേകം ശുചിമുറികള് നിര്മ്മിക്കും. ദേശീയ-സംസ്ഥാന പാതയോരങ്ങളിലാണ് ശുചിമുറികള് നിര്മ്മിക്കുന്നത്.
‘ദ ക്യു’ ഇപ്പോള് ടെലഗ്രാമിലും ലഭ്യമാണ്. കൂടുതല് വാര്ത്തകള്ക്കും അപ്ഡേറ്റുകള്ക്കുമായി ടെലഗ്രാം ചാനല് സബ്സ്ക്രൈബ് ചെയ്യാം
പൊതു ശുചിമുറികള് നിര്മ്മിക്കുന്നതിന് മൂന്നു സെന്റ് വീതം സര്ക്കാര് ഭൂമി കണ്ടെത്തുന്നതിന് തദ്ദേശസ്വയംഭരണ സ്ഥാപനങ്ങള്ക്ക് നിര്ദേശം നല്കി.ു. സംസ്ഥാനത്താകെ 12,000 ജോഡി ശുചിമുറികള് നിര്മ്മിക്കുകയാണ് പദ്ധതിയിലൂടെ ലക്ഷ്യമിടുന്നത്. നിര്മ്മാണച്ചെലവ് തദ്ദേശസ്വയംഭരണ സ്ഥാപനങ്ങള് വഹിക്കണം.
പൊതു ശുചിമുറികളുടെ അഭാവം റോഡ് മാര്ഗം യാത്ര ചെയ്യുന്ന സ്ത്രീകളും കുട്ടികള്കളും ഉള്പ്പെടെയുള്ളവര്ക്ക് പ്രയാസമുണ്ടാക്കുന്നതിനാലാണ് സര്ക്കാറിന്റെ നടപടി. പദ്ധതിയുമായി സഹകരിക്കാന് തയ്യാറുള്ള ഏജന്സികളെ ഇതില് പങ്കാളികളാക്കും. സര്ക്കാരിന്റെയും പൊതുമേഖലാ സ്ഥാപനങ്ങളുടെയും സഹകരണ സ്ഥാപനങ്ങളുടെയും ഭൂമി ഇതിനു വേണ്ടി പ്രയോജനപ്പെടുത്തും. ശുചിമുറികളോടൊപ്പം സാധ്യതയുള്ള സ്ഥലങ്ങളില് അത്യാവശ്യസാധനങ്ങള് വില്ക്കുന്ന ബങ്കുകളും ലഘുഭക്ഷണശാലകളും തുടങ്ങും.ശുചിത്വവും സുരക്ഷിതത്വവും ഉറപ്പുവരുത്തുന്ന രീതിയിലാകും ശുചിമുറികളുടെ നിര്മ്മാണവും പരിപാലനവുമെന്ന് സര്ക്കാര് അറിയിച്ചു.