നിതിന് രാജിന്റെ മരണത്തെ മായ്ച്ചു കളയാന് പ്രതിഷേധങ്ങളെ അതിക്രമമാക്കി ചിത്രീകരിക്കുകയാണെന്ന് അധ്യാപകനും എഴുത്തുകാരനും ആക്ടിവിസ്റ്റുമായ ഡോ.എ.കെ.വാസു ദ ക്യു അഭിമുഖത്തില്. ദളിതരും ആദിവാസികളും സമരം ചെയ്താല് അതിനെ ക്രിമിനലൈസ് ചെയ്യുകയാണ് പൊതുസമൂഹം. ദളിതരുടെ ചരിത്രത്തിലെ നിര്ണ്ണായകമായ രാഷ്ട്രീയ ഇടപെടലായിരുന്നു കഴിഞ്ഞ ദിവസം നടന്ന ഹര്ത്താല്. നിതിന് രാജിന് നീതിക്കായി നടത്തിയ ഹര്ത്താലിനെ സ്വന്തം സമരമായി കാണാനാകാത്ത തരം ജാതി ഭീകരത കേരളത്തില് നിലവിലുണ്ട്. ഹര്ത്താലില് കടകള് തുറക്കുമെന്നും വാഹനങ്ങള് ഓടുമെന്നും മാധ്യമങ്ങളാണ് പറയുന്നത്. പ്രതിഷേധത്തെ അതിക്രമമാക്കുന്നതില് മാധ്യമങ്ങളുടെ പങ്ക് ചെറുതല്ല. സമരത്തില് പൊലീസ് നടത്തിയ ഇടപെടല് കുറ്റവാളികളോട് എന്നപോലെയെന്നും ഡോ.എ.കെ.വാസു.