കൊച്ചിയിലെ സ്പോർട്സ് പ്രേമികൾക്ക് ഇനി പുതിയൊരു ആവേശം. കുമ്പളത്തെ റമദ ബൈ വിൻഡ്ഹാം റിസോർട്ടിൽ അത്യാധുനിക പാഡൽ, പിക്കിൾബോൾ കോർട്ടുകൾ പ്രവർത്തനമാരംഭിച്ചു. 'റിവിയേര കോർട്ട്സ്' എന്ന് പേരിട്ടിരിക്കുന്ന ഈ കായിക സമുച്ചയം കേരളത്തിലെ തന്നെ വ്യത്യസ്തമായൊരു അനുഭവമായിരിക്കും.
പ്രമുഖ വ്യവസായിയും റമദ റിസോർട്ടിന്റെ സി.ഇ.ഒയുമായ ഡോ. വിജു ജേക്കബാണ് ഈ പുതിയ സംരംഭത്തിന്റെ ഉദ്ഘാടനം നിർവഹിച്ചത്. ഇന്ത്യയിലെ ഒരു ലക്ഷ്വറി റിസോർട്ടിൽ ഇത്തരമൊരു അത്യാധുനിക സൗകര്യം ഒരുക്കുന്നത് ഇതാദ്യമായാണ്.
ഏകദേശം 5 കോടി രൂപ ചെലവഴിച്ചാണ് ഈ പ്രകൃതി സൗഹൃദ സ്പോർട്സ് കോംപ്ലക്സ് നിർമ്മിച്ചിരിക്കുന്നത്. കായിക പ്രേമികൾക്ക് ആവേശം പകരുന്ന ഒട്ടേറെ കാര്യങ്ങൾ ഇവിടെയുണ്ട്.
അന്താരാഷ്ട്ര നിലവാരമുള്ള പാഡൽ, പിക്കിൾബോൾ കോർട്ടുകൾ
പൂർണ്ണമായും പരിസ്ഥിതി സൗഹൃദമായ 200 KW സൗരോർജ്ജ സംവിധാനം
ജിംനേഷ്യവും വിശ്രമിക്കാൻ എയർകണ്ടീഷൻഡ് ലോഞ്ചും
സന്ദർശകർക്കായി കോഫി ഷോപ്പും ഇ.വി ചാർജിങ് സൗകര്യവും
പ്രായഭേദമില്ലാതെ എല്ലാവർക്കും ആസ്വദിക്കാൻ കഴിയുന്ന ഒന്നാണ് ഈ കായിക ഇനങ്ങൾ. ആരോഗ്യത്തോടൊപ്പം തന്നെ മികച്ചൊരു ലൈഫ്സ്റ്റൈൽ അനുഭവവും ഈ കോർട്ടുകൾ നൽകുംഡോ. വിജു ജേക്കബ്
വെറും അതിഥികൾക്ക് മാത്രമല്ല, പുറത്തുനിന്നുള്ള കായിക പ്രേമികൾക്കും ഇവിടെ കളിക്കാനുള്ള അവസരമുണ്ട്. ദിവസവും മണിക്കൂറടിസ്ഥാനത്തിലും മാസാടിസ്ഥാനത്തിലും ഇവിടെ ബുക്കിങ് നടത്താം. പ്രൊഫഷണൽ കോച്ചിങ് ക്ലാസുകളും ടൂർണമെന്റുകളും ആരംഭിക്കും.