നരസിംഹം എന്ന സിനിമയിലെ ക്ലൈമാക്സ് ഡിലീറ്റഡ് സീന് എന്ന പേരില് ഒരു സീന് ഒരു കൂട്ടം ചെറുപ്പക്കാര് ചിത്രീകരിച്ചത് വൈറലായിരുന്നു. ഇപ്പോഴിതാ മലയാളത്തിലെ ക്ലാസിക് സിനിമകളിലൊന്നായ മണിച്ചിത്രത്താഴിന് ഒരു പുതിയ ഡിലീറ്റഡ് സീന്.
നാഗവല്ലിയെ തളക്കാനുള്ള ഡോ.സണ്ണിയുടെ ശ്രമങ്ങള് വിവരിക്കുന്ന നിര്ണായക രംഗങ്ങളിലേക്കാണ് ചില പുതിയ സീനുകള്. പ്രജിത് കൈലാസും ദീപുവും ആണ് മണിച്ചിത്രത്താഴ് സ്പൂഫ് വീഡിയോക്ക് പിന്നില്.
ഫ്ളവേഴ്സ് കോമഡി സ്റ്റാര് പരിപാടിയിലടക്കം മികവറിയിച്ചവരാണ് പ്രജിത്തും ദീപുവും. വിഷ്ണു രാംദാസ്, ആനന്ദ് കൊച്ചുവിഷ്ണു, ഷഹനാദ്, ഷഹിന് ഷാന് എന്നിവരാണ് വീഡിയോ ഒരുക്കിയത്.
നാഗവല്ലിയുടെ ബാധ കയറിയ ഗംഗ നകുലന് വിഷം ചേര്ത്ത ചായ നല്കാന് ശ്രമിക്കുന്നതും ഡോ. സണ്ണി ഇത് തട്ടിത്തെറിപ്പിക്കുന്നതുമായ രംഗത്തിനൊപ്പമാണ് ഡിലീറ്റഡ് സീന് പുനരാവിഷ്കരിച്ചിരിക്കുന്നത്. നെടുമുടി വേണു അവതരിപ്പിക്കുന്ന മാടമ്പള്ളിയിലെ തമ്പിയുടെ പണിക്കാരായാണ് ദീപുവും പ്രജിത് കൈലാസവും എത്തുന്നത്.
ഗംഗയെ തെറ്റിദ്ധരിപ്പിക്കാന് ഡോ.സണ്ണി ശ്രീദേവിയെ പൂട്ടിയിടുമ്പോള് ഇവരുടെ കുടുംബപ്രശ്നത്തില് നമ്മളെന്ത് ചെയ്യാനാണ് എന്ന ചോദ്യമുയര്ത്തുന്ന പണിക്കാരായും ഇവരുണ്ട്. നാല് മിനുട്ടും 43 സെക്കന്ഡുമാണ് സ്പൂഫ് വീഡിയോയുടെ ദൈര്ഘ്യം. ഫാസില് സാര് ചതിച്ചു നമ്മുടെ സീന് കട്ട് ചെയ്തു എന്ന തലക്കെട്ടിലാണ് ഇവരുടെ മണിച്ചിത്രത്താഴ് സ്പൂഫ്.