വയനാട് കല്പ്പറ്റയില് രാഹുല് ഗാന്ധി എംപിയുടെ ഓഫീസ് എസ്എഫ്ഐ പ്രവര്ത്തകര് അടിച്ചുതകര്ത്തതില് പ്രതികരണവുമായി ഷാഫി പറമ്പില് എംഎല്എ. സ്ഥലകാല ബോധവും ബുദ്ധിയും നഷ്ട്ടപ്പെട്ട എസ്എഫ്ഐ തെമ്മാടികള് പിണറായിക്ക് വേണ്ടി മോദിയെ സുഖിപ്പിക്കാന് കാണിച്ച തോന്നിവാസമാണ് രാഹുല് ഗാന്ധിയുടെ ഓഫീസില് നടന്ന ഗുണ്ടായിസമെന്ന് ഷാഫി പറമ്പില്. സംഘി ഫെഡറേഷന് ഓഫ് ഇന്ത്യ ഇതിനു മറുപടി പറയേണ്ടി വരുമെന്നും ഷാഫി പറമ്പില് ഫേസ്ബുക്കില് കുറിച്ചു.
മോദിക്കെതിരെ സമരം ചെയ്യാന് മുട്ട് വിറക്കുന്ന സിപിഎമ്മും കുട്ടി സഖാക്കളും കാണിച്ച തെമ്മാടിത്തരത്തില് യെച്ചൂരിയുടെ നിലപാട് അറിയണം. രണ്ട് മുദ്രാവാക്യം വിളിച്ചതിന് വധശ്രമത്തിന് കള്ളക്കേസെടുത്ത പിണറായുടെയും സംഘത്തിന്റെയും മോദി പ്രീണനമാണ് കല്പറ്റയില് കണ്ടത്. ഇതിനു മാപ്പില്ല. സംസ്ഥാന വ്യാപകമായി യൂത്ത് കോണ്ഗ്രസ്സ് പ്രവര്ത്തകര് പ്രതിഷേധം സംഘടിപ്പിക്കുമെന്നും ഷാഫി പറമ്പില് പറഞ്ഞു.
