കൊവിഡ് 19 രോഗത്തിന് വ്യാജ ചികിത്സ നടത്തിയതിന് മോഹനന് വൈദ്യരെ അറസ്റ്റ് ചെയ്തു. ജാമ്യമില്ലാ കുറ്റം ചുമത്തിയാണ് അറസ്റ്റ് ചെയ്തിരിക്കുന്നത്. ആരോഗ്യവകുപ്പും പൊലീസും സംയുക്തമായി നടത്തിയ പരിശോധനയ്ക്കൊടുവിലാണ് മോഹനന് വൈദ്യരെ അറസ്റ്റ് ചെയ്തിരിക്കുന്നത്.
ദ ക്യു’ ഇപ്പോള് ടെലഗ്രാമിലും ലഭ്യമാണ്. കൂടുതല് വാര്ത്തകള്ക്കും അപ്ഡേറ്റുകള്ക്കുമായി ടെലഗ്രാം ചാനല് സബ്സ്ക്രൈബ് ചെയ്യാം
കൊറോണയും ചികിത്സിച്ച് മാറ്റമെന്ന് ആവകാശപ്പെട്ട മോഹനന് വൈദ്യരെ ആരോഗ്യവകുപ്പും പൊലീസും ചേര്ന്ന് രാവിലെ തടഞ്ഞിരുന്നു. വ്യാജ ചികിത്സ നടത്തുന്നുവെന്ന രഹസ്യവിവരത്തിന്റെ അടിസ്ഥാനാത്തിലാണ് ആരോഗ്യ വകുപ്പിന്റെ നടപടി. തൃശ്ശൂര് പട്ടിക്കാട് സെന്ററിലെ ഉഴിച്ചില് കേന്ദ്രത്തില് വെച്ച് മോഹനന് വൈദ്യരെ ചോദ്യം ചെയ്തിരുന്നു. ഇതിന് ശേഷമാണ് അറസ്റ്റ്.
ആയുര്വേദ ഡോക്ടര്മാര്ക്ക് ഉപദേശം നല്കാനെത്തിയതാണെന്നായിരുന്നു മോഹനന് വൈദ്യരുടെ വാദം. ചികിത്സിക്കുന്നതിനായല്ല താനെത്തിയത്. ആയുര്വേദ ഡോക്ടര്മാരാണ് തന്നെ ക്ഷണിച്ച് വരുത്തിയതെന്നും ചോദ്യം ചെയ്യലിനിടെ മോഹനന് വൈദ്യര് പറഞ്ഞിരുന്നു. തൃശ്ശൂര് ഡി.എംഒയുടെയും പൊലീസിന്റെയും നേതൃത്വത്തിലായിരുന്നു റെയ്ജ്. ഉഴിച്ചില് കേന്ദ്രത്തില് പരിശോധനയും നടത്തി.
