Around us

കൊവിഡ്19: 403 ക്ഷേത്രങ്ങളിലെ ഉത്സവാഘോഷങ്ങള്‍ ഒഴിവാക്കി; തൃശൂര്‍ പൂരത്തില്‍ തീരുമാനമായില്ല

കൊവിഡ്19 എതിരെ അതീവജാഗ്രത നിലനില്‍ക്കുന്ന പശ്ചാത്തലത്തില്‍ ക്ഷേത്രോത്സവങ്ങളിലെ ആഘോഷം ഒഴിവാക്കാന്‍ കൊച്ചിന്‍ ദേവസ്വം ബോര്‍ഡ് തീരുമാനിച്ചു. 403 ക്ഷേത്രങ്ങളിലെ ആഘോഷങ്ങളാണ് ഒഴിവാക്കുന്നത്. ചടങ്ങുകള്‍ മാത്രമായിരിക്കും ഉണ്ടാകുക.

ദ ക്യുഇപ്പോള്‍ ടെലഗ്രാമിലും ലഭ്യമാണ്. കൂടുതല്‍ വാര്‍ത്തകള്‍ക്കും അപ്‌ഡേറ്റുകള്‍ക്കുമായി ടെലഗ്രാം ചാനല്‍ സബ്‌സ്‌ക്രൈബ് ചെയ്യാം

Also Read: 'രോഗിയായത് കൊണ്ട് ഒരാളെ കയ്യോഴിയാമോ';വിദേശത്തുള്ളവരെ തിരിച്ചെത്തിക്കാന്‍ കേന്ദ്രസര്‍ക്കാര്‍ തടസ്സമെന്ന് മുഖ്യമന്ത്രി

പതിനായിരക്കണക്കിന് ആളുകളെത്തുന്ന ഉത്സവങ്ങള്‍ രോഗഭീതി നിലനില്‍ക്കുന്ന സാഹചര്യത്തില്‍ ചടങ്ങ് മാത്രമായി നടത്താന്‍ ദേവസ്വം ബോര്‍ഡിന്റെ അടിയന്തിര യോഗം തീരുമാനിക്കുകയായിരുന്നു. ദേവസ്വം ബോര്‍ഡിന് കീഴില്‍ വരുന്ന തൃശൂര്‍പൂരം, ആറാട്ടുപുഴ പൂരം എന്നിവയില്‍ നിയന്ത്രണം ഏര്‍പ്പെടുത്തുന്ന കാര്യത്തില്‍ തീരുമാനമായിട്ടില്ല. ഈ മാസം 31 വരെയുള്ള ആഘോഷങ്ങളാണ് മാറ്റിവെച്ചിരിക്കുന്നത്.

Also Read: കൊവിഡ് 19 : കോട്ടയം മെഡിക്കല്‍ കോളജില്‍ ചികിത്സയിലുള്ള രോഗിയുടെ നില ഗുരുതരം 

ഗുരുവായൂര്‍ ദേവസ്വം ബോര്‍ഡും നിയന്ത്രണം ഏര്‍പ്പെടുത്തിയിട്ടുണ്ട്. പ്രസാദ ഊട്ടും കലാപരിപാടികളും നിര്‍ത്തിവെച്ചിട്ടുണ്ട്. ആനക്കോട്ടയിലും സന്ദര്‍ശകര്‍ക്ക് പ്രവേശനമില്ല. ക്ഷേത്രത്തില്‍ ആളുകള്‍ കൂട്ടംകൂടി നില്‍ക്കരുതെന്നും നിര്‍ദേശമുണ്ട്.

ദ ക്യു പ്രോഗ്രാമുകള്‍ക്കും വീഡിയോകള്‍ക്കുമായി ഞങ്ങളുടെ യൂട്യൂബ് ചാനല്‍ ഈ ലിങ്കില്‍ സബ്‌സ്‌ക്രൈബ് ചെയ്യാം