ഒരു ജോലിക്കും പോയിരുന്നില്ല, മദ്യപിക്കാന് വേണ്ടി എന്തെങ്കിലും ജോലിയെടുക്കും. മരിച്ച വീട്ടിലും കല്യാണ വീട്ടിലുമൊക്കെ മദ്യപിക്കാന് അവസരമുണ്ടാക്കും. അച്ഛന് ഒരിക്കല് എനിക്കെതിരെ പരാതി കൊടുക്കാന് പൊലീസ് സ്റ്റേഷനില് പോയിട്ടുണ്ട്. പറയുന്നത് മുരളി കുന്നുംപുറത്ത്. ജയസൂര്യ നായകനായ വെള്ളം എന്ന സിനിമക്ക് ആധാരമായ ആള്.
13 വര്ഷം മുമ്പ് മുരളി പൂര്ണമായും മദ്യപാനം ഉപേക്ഷിച്ചു. നാടിനും വീടിനും ഒരു പോലെ ശല്യമായ മുഴുക്കുടിയനില് നിന്ന് പല രാജ്യങ്ങളിലായി വ്യവസായം കെട്ടിപ്പടുത്ത ബിസിനസുകാരനായി മുരളി കുന്നുംപുറത്ത് മാറി. മദ്യപാനം പൂര്ണമായി ഉപേക്ഷിച്ചതിന് പുറമേ മദ്യവിരുദ്ധ പ്രവര്ത്തനങ്ങളിലും സജീവമാണ് തളിപ്പറമ്പുകാരനായ മുരളി കുന്നുംപുറത്ത്.
ജി. പ്രജേഷ് സെന് സുഹൃത്തുക്കളിലൂടെയാണ് മുരളി കുന്നുംപുറത്തിനെ പരിചയപ്പെട്ടത്. പിന്നീട് ജീവിതം സിനിമയാക്കാന് തീരുമാനിക്കുകയായിരുന്നു. ദ ക്യുവിന് സ്ക്രീനിലെ മുരളിയും യഥാര്ത്ഥ ജീവിതത്തിലെ മുരളിയും സംസാരിക്കുന്നു. ഒപ്പം ജി പ്രജേഷ് സെന്നും.