യുഎഇയുടെ 53 മത് ദേശീയ ദിനം, ഈദ് അല്‍ ഇത്തിഹാദിനോട് അനുബന്ധിച്ച് അവധി പ്രഖ്യാപിച്ചു. ഡിസംബർ 2, 3 ദിവസങ്ങളിലാണ് അവധിയുളളത്. വാരാന്ത്യ അവധി ദിനങ്ങളോട് ചേർന്ന് വരുന്നതിനാല്‍ ചുരുക്കത്തില്‍ നാല് ദിവസം അവധി ലഭിക്കും. സർക്കാർ സ്വകാര്യ സ്ഥാപനങ്ങളിലെ ജീവനക്കാർക്ക് അവധി ബാധകമാണ്.

1971 ഡിസംബർ രണ്ടിനാണ് യുഎഇ എന്ന അറബ് ഐക്യനാട് രൂപീകരിച്ചത്.ദേശീയ ദിനാഘോഷങ്ങളോട് അനുബന്ധിച്ച് നിരവധി പരിപാടികളാണ് രാജ്യത്ത് ഒരുക്കിയിട്ടുളളത്. വിവിധ ഇടങ്ങളില്‍ വെടിക്കെട്ടുമുണ്ടാകും. രാജ്യത്തെ വിവിധ എമിറേറ്റുകളിലെ ഭരണാധികാരികള്‍ ഒന്നുചേർന്ന് അലൈനില്‍ ദേശീയ ദിനം ആഘോഷിക്കും.