Gulf Stream

ഗസയ്ക്ക് ഐക്യദാർഢ്യം: ഷാർജയില്‍ പുതുവർഷാഘോഷങ്ങള്‍ക്ക് നിരോധനം

ഇസ്രായേല്‍ ഹമാസ് യുദ്ധക്കെടുതിയില്‍ ജീവന്‍ പൊലിഞ്ഞവർക്കുളള ആദരസൂചകമായി ഷാർജയില്‍ ഇത്തവണ പുതുവർഷ ആഘോഷമുണ്ടാകില്ല. ഷാ‍ർജ പോലീസാണ് ഇക്കാര്യം അറിയിച്ചത്. വെടിക്കെട്ടുള്‍പ്പടെയുളള എല്ലാ ആഘോഷങ്ങളും വിലക്കിയിട്ടുണ്ട്. ഇസ്രായേല്‍ ഹമാസ് സംഘർഷത്തില്‍ ഗസയില്‍ ഇതുവരെ 20000 പേർ മരിച്ചുവെന്നാണ് കണക്കുകള്‍.

തീരുമാനത്തെ പിന്തുണയ്ക്കണെന്ന് ഷാ‍ർജ പോലീസ് വ്യക്തികളോടും സ്ഥാപനങ്ങളോടും അഭ്യർത്ഥിച്ചു. നിർദ്ദേശം ലംഘിക്കുന്നവർക്കെതിരെ നിയമനടപടികളുണ്ടാകുമെന്നും സമൂഹ മാധ്യമഅക്കൗണ്ടിലൂടെ ഷാർജ പോലീസ് അറിയിച്ചു. നിയമലംഘകർക്കെതിരെയുളള ശിക്ഷ എന്തായിരിക്കുമെന്നതുള്‍പ്പടെയുളള കാര്യങ്ങള്‍ പോലീസ് വ്യക്തമാക്കിയിട്ടില്ല.

പുതുവത്സരത്തലേന്ന് ഷാർജ അല്‍ മജാസ് വാട്ടർ ഫ്രണ്ടിലടക്കം വർണാഭമായ വെടിക്കെട്ട് നടക്കാറുണ്ട്. ഗസയ്ക്ക് ഐക്യദാർഢ്യം പ്രഖ്യാപിച്ച് നിരവധി പരിപാടികളും എമിറേറ്റില്‍ നടക്കാറുണ്ട്. ഷാർജ മലീഹയില്‍ നടത്താനിരുന്ന തന്‍വീർ സാക്രഡ് മ്യൂസിക് ഫെസ്റ്റിവല്‍ മാറ്റിവച്ചിരുന്നു. നേരത്തെ, പലസ്തീനിയന്‍ എഴുത്തുകാരനുളള പുരസ്കാരം റദ്ദ് ചെയ്തതിനെ തുടർന്ന് ഫ്രങ്ക് ഫർട്ട് ഇന്‍റർനാഷണല്‍ ബുക്ക് ഫെയറില്‍ നിന്നും ഷാർജ ബുക്ക് അതോറിറ്റിയും എമിറേറ്റ്സ് പബ്ലിഷേഴ്സ് അസോസിയേഷനും പിന്‍മാറുകയും ചെയ്തിരുന്നു.

പാട്ടുകാരനോ പാട്ടിനോ പകരമാകാൻ എഐയ്ക്ക് കഴിയില്ല: എആർ റഹ്മാന്‍

'എ ഹേറ്റ് ലെറ്റര്‍ ടു സിനിമ'; മോളിവുഡ് ടൈംസിന് പാക്ക് അപ്പ്‌

പാപങ്ങളുടെ വലിപ്പ ചെറുപ്പം അളക്കാനുള്ള മാനദന്ധം എന്ത്? ത്രില്ലടിപ്പിച്ച് 'ദി റൈഡ്' ടീസർ

പ്രേക്ഷകർ ഏറ്റെടുത്തു; എക്കോ ലോകവ്യാപകമായി കൂടുതൽ തിയേറ്ററുകളിലേക്ക്

നിർമ്മാണം കെഎസ്എഫ്ഡിസി; പുതിയ സിനിമയുടെ സ്വിച്ച് ഓൺ ചടങ്ങ് നടന്നു

SCROLL FOR NEXT