ബോഡി ഷെയ്മിങിനെതിരെ പോപ് ഗായികയും ഗ്രാമി അവാര്ഡ് ജേതാവുമായ ബില്ലി എലിഷ്. യു എസിലെ മിയാമിയില് വെച്ചുനടന്ന സംഗീതപരിപാടിക്കിടെ വസ്ത്രമഴിച്ചായിരുന്നു ബില്ലിയുടെ പ്രതിഷേധം. തന്റെ ശരീരത്തെയും വസ്ത്രധാരണത്തെയും കുറിച്ചുളള പരിഹാസങ്ങള് കേട്ട് അസ്വസ്ഥയായതിനെ തുടര്ന്ന്, പൊതു വേദിയില് പ്രതിഷേധിക്കാന് തയ്യാറാവുകയായിരുന്നു ബില്ലി.
ബില്ലിയുടെ വാക്കുകള് ഇങ്ങനെ, എന്റെ വസ്ത്രധാരണത്തിലും അഭിപ്രായങ്ങളിലും ശരീരത്തിലും സംഗീതത്തിലുമെല്ലാം നിങ്ങള്ക്ക് നിങ്ങളുടേതായ അഭിപ്രായങ്ങള് ഉണ്ടാകാം. ചിലര് എന്റെ വസ്ത്ര ധാരണത്തെ കുറ്റം പറയുന്നു. ചിലര് ഇഷ്ടപ്പെടുന്നു. ചിലര് എന്റെ ചിത്രങ്ങള് എന്നെത്തന്നെ കളിയാക്കാനുളള ആയുധമാക്കുന്നു.
ഞാന് ജനിച്ചത് ഈ ശരീരവുമായാണ്. നിങ്ങള് കാണാത്ത എന്റെ ശരീരത്തിന്മേല് നിങ്ങളെന്തിന് വിധികര്ത്താക്കളാകുന്നു. നിങ്ങള് എപ്പോഴും ആളുകളെ അവരുടെ വലുപ്പം നോക്കി വിലയിരുത്തുന്നു. ഞാന് വസ്ത്രം ധരിച്ചാലും ധരിച്ചില്ലെങ്കിലും അതില് അഭിപ്രായം പറയാന് നിങ്ങളാരാണ്? ബില്ലി ചോദിക്കുന്നു.
തന്റെ മൂല്യങ്ങള് തന്റെ കാഴിച്ചപ്പാടുകളില് നിന്ന് ഉണ്ടായവയാണ്. മറ്റുള്ളവരുടെ അഭിപ്രായങ്ങള് സംരക്ഷിക്കേണ്ടത് തന്റെ ഉത്തരവാദിത്തമല്ലെന്നും ബില്ലി കാണികളോട് പറഞ്ഞു.