കാവലിന്റെ തിയേറ്റര് റിലീസിന് പിന്നാലെ പ്രേക്ഷകരോട് നന്ദി അറിയിച്ച് നടനും എംപിയുമായ സുരേഷ് ഗോപി. തനിക്കും സിനിമയ്ക്കും തിയേറ്ററുകള്ക്കും കാവലായതിന് നന്ദി എന്നാണ് സുരേഷ് ഗോപി ഫെയ്സ്ബുക്കില് കുറിച്ചത്.
സുരേഷ് ഗോപിയുടെ കുറിപ്പ്:
'നന്ദി,
തിയേറ്ററുകള്ക്ക് കാവലായതിന്..
നമ്മുടെ സിനിമയ്ക്ക് കാവലായതിന്..
എനിക്ക് കാവലായതിന്..'
അതേസമയം നവംബര് 25നാണ് നതിന് രണ്ജി പണിക്കര് സംവിധാനം ചെയ്ത സുരേഷ് ഗോപി ചിത്രം കാവല് റിലീസ് ചെയ്തത്. തിയേറ്റര് റിലീസിന് പിന്നാലെ സുരേഷ് ഗോപി എന്ന സൂപ്പര് സ്റ്റാറിന്റെ തിരിച്ചുവരവാണ് കാവലെന്ന് പ്രേക്ഷകര് അഭിപ്രായപ്പെട്ടു. ചിത്രത്തില് തമ്പാന് എന്നാണ് സുരേഷ് ഗോപിയുടെ കഥാപാത്രത്തിന്റെ പേര്. രണ്ജി പണിക്കരും ചിത്രത്തില് പ്രധാന കഥാപാത്രമാണ്.
സുരേഷ് കൃഷ്ണ, സന്തോഷ് കീഴാറ്റൂര്, ശങ്കര് രാമകൃഷ്ണന്,ശ്രീജിത്ത് രവി, രാജേഷ് ശര്മ്മ, കിച്ചു ടെല്ലസ്, കണ്ണന് രാജന് പി ദേവ് എന്നിവരും ചിത്രത്തിലുണ്ട്. നിഖില് എസ് പ്രവീണാണ് ഛായാഗ്രാഹകന്. ഗുഡ്വില് എന്റര്ടെയ്ന്മെന്റ്സിന്റെ ബാനറില് ജോബി ജോര്ജാണ് ചിത്രം നിര്മ്മിച്ചത്.