'സംശയം' സിനിമയിൽ താൻ വളരെയധികം ചെയ്യാൻ ആഗ്രഹിച്ച കഥാപാത്രമായിരുന്നു വിനയ് ഫോർട്ടിന്റേത് എന്ന് നടൻ ഷറഫുദ്ദീൻ. രാജേഷ് രവി സംവിധാനം ചെയ്ത് വിനയ് ഫോർട്ട്, ഷറഫുദീൻ, ലിജോമോൾ, പ്രിയംവദ കൃഷ്ണൻ തുടങ്ങിയവർ പ്രധാന കഥാപാത്രങ്ങളെ അവതരിപ്പിക്കുന്ന ചിത്രമാണ് സംശയം. ചിത്രത്തിലെ വിനയ് ഫോർട്ടിന്റെ കഥാപാത്രം വളരെ ഇന്ററസ്റ്റിംഗ് ആണെന്നും തനിക്ക് ആ കഥാപാത്രത്തെ അവതരിപ്പിക്കാൻ ആഗ്രഹമുണ്ടായിരുന്നെന്നും ക്യു സ്റ്റുഡിയോയ്ക്ക് നൽകിയ അഭിമുഖത്തിൽ ഷറഫുദ്ദീൻ പറഞ്ഞു. ചിത്രം ഇന്നു മുതൽ തിയറ്ററുകളിൽ.
ഷറഫുദ്ദീൻ പറഞ്ഞത്:
സംശയം സിനിമയിലെ എന്റെ കഥാപാത്രം വളരെ രസമുള്ള ഒരു കഥാപാത്രമാണ്. ഈ സിനിമയിൽ വളരെ നല്ല സ്പേയ്സുള്ള കഥാപാത്രമാണ്. പക്ഷേ ഞാൻ ശരിക്കും ആഗ്രഹിച്ച കഥാപാത്രം വിനയ് ഫോർട്ട് ചെയ്ത കഥാപാത്രമാണ്. ഞാൻ രാജേഷിന്റെ അടുത്ത് ഇടയ്ക്ക് പറയാറുണ്ട് ഈ സ്ക്രിപ്റ്റ് എന്റെ അടുത്തായിരുന്നു ആദ്യം വന്നിരുന്നതെങ്കിൽ ഞാൻ ആ കഥാപാത്രം വിട്ടു കൊടുക്കില്ലായിരുന്നുവെന്ന്. അത്രയും ഇന്ററസ്റ്റിംഗ് കഥാപാത്രമാണ് വിനയ് ചെയ്തിരിക്കുന്നത്. ഒരു ആർട്ടിസ്റ്റ് എന്ന തരത്തിൽ എനിക്ക് അതൊരു പുതിയ കഥാപാത്രം ആയിരുന്നേനെ ചെയ്തിരുന്നെങ്കിൽ.
1895 സ്റ്റുഡിയോസിന്റെ ബാനറിൽ സുരാജ് പി എസ്, ഡിക്സൺ പൊടുത്താസ്, ലിനോ ഫിലിപ്പ് എന്നിവർ ചേർന്ന് നിർമിച്ച ചിത്രമാണ് സംശയം. ചിത്രത്തിന്റെ ഛായഗ്രഹണം- മനീഷ് മാധവൻ, സംഗീതം - ഹിഷാം അബ്ദുൽ വഹാബ്, എഡിറ്റർ - ലിജോ പോൾ, ആർട്ട് ഡയറക്ടർ- ദിലീപ്നാഥ്, കോ റൈറ്റർ - സനു മജീദ്. സൗണ്ട് ഡിസൈൻ - ജയദേവൻ ചക്കാടത്ത്, സൗണ്ട് മിക്സ് - ജിതിൻ ജോസഫ്, എക്സിക്യൂട്ടീവ് പ്രൊഡ്യൂസർ - ഷബീർ പി എം, പ്രോമോ സോങ് -അനിൽ ജോൺസൺ, ഗാനരചന - വിനായക് ശശികുമാർ, അൻവർ അലി, വേണുഗോപാലൻ, പ്രൊഡക്ഷൻ കൺട്രോളർ - രാജേഷ് മേനോൻ, മേക്കപ്പ് -ഹസൻ വണ്ടൂർ, വസ്ത്രലങ്കാരം - സുജിത് മട്ടന്നൂർ, സ്റ്റൈലിസ്റ്റ് - വീണ സുരേന്ദ്രൻ, കാസ്റ്റിങ് ഡയറക്ടർ - അബു വയംകുളം, ചീഫ് അസോസിയേറ്റ് -കിരൺ റാഫേൽ, VFX - പിക്ടോറിയൽ, പി ആർ - പപ്പെറ്റ് മീഡിയ, ഡിജിറ്റൽ മാർക്കറ്റിംഗ് - ഹൈറ്റ്സ്, ടൈറ്റിൽ ഡിസൈൻ - അഭിലാഷ് കെ ചാക്കോ, സ്റ്റിൽസ്- അജി മസ്കോറ്റ്, പബ്ലിസിറ്റി ഡിസൈൻ - ആന്റണി സ്റ്റീഫൻ.