സൗജന്യമായി 500 ഓക്സിജൻ കോൺസൻട്രേറ്റേഴ്സ് കോവിഡ് രോ​ഗബാധിതർക്കായി എത്തിച്ച് ബോളിവുഡ് നടൻ സൽമാൻ ഖാൻ. രാഷ്ട്രീയ നേതാക്കളായ ബാബ സിദ്ധിഖ്, സീഷാൻ സിദ്ദിഖ് എന്നിവർക്കൊപ്പം ചേർന്നാണ് സൽമാൻ ഇവ മുംബൈയിലെത്തിച്ചത്. സൽമാൻ തന്നെയാണ് വിവരം സോഷ്യൽ മീഡിയയിലൂടെ അറിയിച്ചത്.

സൽമാന്റെ കാരുണ്യ പ്രവർത്തിക്ക് ആരാധകർ സോഷ്യൽ മീഡിയയിൽ താരത്തെ അഭിനന്ദിച്ചിരിക്കുകയാണ്. രാധേ ആണ് സൽമാന്റേതായി പുറത്തിറങ്ങിയ ഏറ്റവും പുതിയ ചിത്രം. സല്‍മാന്‍ ഖാനൊപ്പം പ്രഭുദേവ വീണ്ടും കൈകോര്‍ത്ത രാധേ സീ ഫൈവിലൂടെയാണ് പ്രേക്ഷകരിലെത്തിയത്. ഓണ്‍ലൈന്‍ റിലീസിനൊപ്പം തിയറ്റര്‍ റിലീസും പ്ലാന്‍ ചെയ്തിരുന്നു. എന്നാല് ലോക്ക് ഡൗണ്‍ മൂലം കുറഞ്ഞ തിയറ്ററുകളില്‍ മാത്രമാണ് റിലീസ് നടന്നത്.