മരക്കാര് അറബിക്കടലിന്റെ സിംഹത്തിന് ശേഷം പ്രിയദര്ശന് സംവിധാനം ചെയ്യുന്ന പുതിയ ചിത്രമാണ് കൊറോണ പേപ്പേഴ്സ്. പ്രിയദര്ശന് തന്നെ തിരക്കഥ രചിക്കുന്ന ചിത്രത്തിന്റെ പൂജ കൊച്ചിയില് നടന്നു. ഷെയ്ന് നിഗമാണ് ചിത്രത്തിലെ പ്രധാനകഥാപാത്രത്തെ അവതരിപ്പിക്കുന്നത്. സൂപ്പര് ഡീലക്സ്, ന്നാ താന് കേസ് കൊട് തുടങ്ങിയ ചിത്രങ്ങളിലൂടെ ശ്രദ്ധേയയായ ഗായത്രി ശങ്കറാണ് ചിത്രത്തിലെ നായിക.ചിത്രത്തിന്റെ കഥ ശ്രീ ഗണേശിന്റേതാണ്.
പൂജാ ചടങ്ങില് നിര്മാതാവ് ആന്റണി പെരുമ്പാവൂര് ആദ്യ ക്ലാപ്പടിച്ചു. ഫോര് ഫ്രെയിംസ് എന്റര്ടൈന്മെന്റിന്റെ ബാനറില് പ്രിയദര്ശന് തന്നെയാണ് ചിത്രം നിര്മ്മിക്കുന്നത്. ഷൈന് ടോം ചാക്കോ, സിദ്ധിഖ്, കുഞ്ഞികൃഷ്ണന്, മണിയന് പിള്ള രാജു, തുടങ്ങിയവര് മറ്റു കഥാപാത്രങ്ങളെ അവതരിപ്പിക്കുന്നു.
ബാദുഷയാണ് എക്സിക്യൂട്ടീവ് പ്രൊഡ്യൂസര്. ദിവാകര് എസ് മണി ഛായാഗ്രാഹണം നിര്വഹിക്കുന്ന ചിത്രത്തിന്റെ എഡിറ്റിംങ് എം.എസ് അയ്യപ്പന് നായരാണ്. കലാസംവിധാനം: മനു ജഗത്, പ്രൊഡക്ഷന് കണ്ട്രോളര്: നന്ദു പൊതുവാള്, കോസ്റ്റ്യൂം ഡിസൈനര്: സമീറ സനീഷ്, മേക്കപ്പ്: രതീഷ് വിജയന്, ആക്ഷന്: രാജശേഖര്, സൗണ്ട് ഡിസൈന്- എം.ആര് രാജാകൃഷ്ണന്, പി.ആര്.ഒ: പി.ശിവപ്രസാദ്, സ്റ്റില്സ്: ശാലു പേയാട്