കേരളത്തെ നടുക്കിയ മുത്തങ്ങ വെടിവെയ്പ്പും ആദിവാസി സമൂഹത്തിൽ നിന്നുണ്ടായ അവകാശ പോരാട്ടവും പൊലീസ് വേട്ടയുമാണ് പ്രമേയമെന്ന സൂചന നൽകി ടൊവിനോ തോമസ് ചിത്രം നരിവേട്ടയുടെ ട്രെയിലർ. തിയറ്ററിൽ മോഹൻലാല‍്‍ ചിത്രം തുടരുമിനൊപ്പം ട്രെയിലറുണ്ടാകും. ഇഷ്ക് എന്ന സൂപ്പർ ഹിറ്റ് ചിത്രമൊരുക്കിയ അനുരാജ് മനോഹറാണ് സംവിധാനം.
വർഗീസ് പീറ്റർ എന്ന പൊലീസ് കോൺസ്റ്റബിളിനെയാണ് ടൊവിനോ തോമസ് അവതരിപ്പിക്കുന്നത്, അഭിനേതാവെന്ന നിലയില‍് ടൊവിനോ തോമസിന്റെ കരിയറിലെ നിർണായക കഥാപാത്രമായിരിക്കും വര‍്ഗീസ് പീറ്ററെന്നറിയുന്നു. സുരാജ് വെഞ്ഞാറമ്മൂട് ഹെഡ് കോൺസ്റ്റബിൾ ബഷീർ അഹമ്മദ് എന്ന കഥാപാത്രത്തേയും തമിഴ് സംവിധായകനും നടനുമായ ചേരൻ ഡി.ഐ.ജി. രഘുറാം കേശവ് എന്ന കഥാപാത്രത്തെയും അവതരിപ്പിക്കുന്നു. ഓട്ടോഗ്രാഫിലൂടെ ദക്ഷിണേന്ത്യൻ സിനിമയുടെ ഹരമായ മാറിയ ചേരൻ്റെ ആദ്യ മലയാള സിനിമയാണ് നരിവേട്ട. മേയ് 16ന് 'നരിവേട്ട' തിയറ്ററുകളിലെത്തും.
ഇന്ത്യൻ സിനിമാ കമ്പനിയുടെ ബാനറിൽ ഷിയാസ് ഹസൻ, ടിപ്പു ഷാൻ എന്നിവർ ചേർന്നു ചിത്രം നിർമിക്കുന്നു. ഇന്ത്യ ജിസിസി ട്രേഡ് അംബാസിഡർ ഷിയാസ് ഹസൻ, യുഎ ഇയിലെ ബിൽഡിംഗ് മെറ്റീരി യൽ എക്സ്പോർട്ട് ബിസിനസ് സംരംഭകൻ ടിപ്പു ഷാൻ എന്നിവർ ചേർന്നാണ് ഇന്ത്യൻ സിനിമ കമ്പനി ബാനർ രൂപീകരിച്ചു കൊണ്ട് മലയാള സിനിമ നിർമ്മത്തിലേക്ക് ഒരു പുതിയ ചുവട് വയ്പ്പ് നടത്തുന്നത്.
പൊളിറ്റിക്കൽ ഡ്രാമയായാണ് ചിത്രം ഒരുങ്ങുന്നത്. മറവികൾക്കെതിരായ ഓർമയുടെ പോരാട്ടമാണ് നരിവേട്ട എന്ന് ടൊവിനോ തോമസ് പറയുന്നു. സുരാജ് വെഞ്ഞാറമൂട്, ആര്യ സലിം, റിനി ഉദയകുമാർ, പ്രിയംവദ കൃഷ്ണൻ എന്നിവരാണ് ചിത്രത്തിലെ മറ്റു താരങ്ങൾ.
എക്സിക്യൂട്ടീവ് പ്രൊഡ്യൂസർ- എൻ എം ബാദുഷ, ഛായാഗ്രഹണം- വിജയ്, സംഗീതം- ജേക്സ് ബിജോയ്, എഡിറ്റർ- ഷമീർ മുഹമ്മദ്, ആർട്ട്‌- ബാവ, വസ്ത്രാലങ്കാരം- അരുൺ മനോഹർ, മേക്കപ്പ് - അമൽ സി ചന്ദ്രൻ, പ്രൊജക്റ്റ് ഡിസൈനർ- ഷെമിമോൾ ബഷീർ, പ്രൊഡക്ഷൻ ഡിസൈൻ- എം ബാവ, പ്രൊഡക്ഷൻ കൺട്രോളർ- സക്കീർ ഹുസൈൻ, സൗണ്ട് ഡിസൈൻ - രംഗനാഥ്‌ രവി, പി ആർ ഒ & മാർക്കറ്റിംഗ് - വൈശാഖ് വടക്കേവീട്, ജിനു അനിൽകുമാർ, ചീഫ് അസ്സോസിയേറ്റ് ഡയറക്ടർ- രതീഷ് കുമാർ രാജൻ, സൗണ്ട് മിക്സ്- വിഷ്ണു പി സി, സ്റ്റീൽസ്- ഷൈൻ സബൂറ, ശ്രീരാജ് കൃഷ്ണൻ, ഡിസൈൻസ്- യെല്ലോടൂത്ത്.