മമ്മൂട്ടി കേന്ദ്രകഥാപാത്രമായെത്തുന്ന വണ് സിനിമയുടെ ടീസര് പുറത്തിറങ്ങി. സന്തോഷ് വിശ്വനാഥ് സംവിധാനം ചെയ്യുന്ന ചിത്രം നിര്മ്മിച്ചിരിക്കുന്നത് ഇച്ചായിസ് പ്രൊഡക്ഷന്സ് ആണ്. ബോബി-സഞ്ജയ് ടീമിന്റേതാണ് തിരക്കഥ. കേരള മുഖ്യമന്ത്രി കടക്കല് ചന്ദ്രന് എന്ന കഥാപാത്രത്തെയാണ് ചിത്രത്തില് മമ്മൂട്ടി അവതരിപ്പിക്കുന്നത്.
ദ ക്യു’ ഇപ്പോള് ടെലഗ്രാമിലും ലഭ്യമാണ്. കൂടുതല് വാര്ത്തകള്ക്കും അപ്ഡേറ്റുകള്ക്കുമായി ടെലഗ്രാം ചാനല് സബ്സ്ക്രൈബ് ചെയ്യാം
ചിത്രത്തില് മമ്മൂട്ടിയുടെ ഇന്വോള്വ്മെന്റ് തന്നെ അത്ഭതപ്പെടുത്തിയെന്ന് സംവിധായകന് സന്തോഷ് വിശ്വനാഥ് നേരത്തെ പറഞ്ഞിരുന്നു. കടക്കല് ചന്ദ്രന് എന്ന കഥാപാത്രത്തിന് മറ്റൊരു രാഷ്ട്രീയനേതാവുമായും സാമ്യമുണ്ടാകരുതെന്ന് മമ്മൂട്ടിക്ക് നിര്ബന്ധമുണ്ടായിരുന്നുവെന്നും, കഥാപാത്രത്തിന്റെ ലുക്ക് കണ്ടെത്തിയത് മമ്മൂട്ടിയായിരുന്നുവെന്നും അദ്ദേഹം പറഞ്ഞിരുന്നു.
മമ്മൂട്ടിക്കൊപ്പം ജോജു ജോര്ജ്, നിമിഷ സജയന്, സംവിധായകന് രഞ്ജിത്ത്, സലിം കുമാര്, മുരളി ഗോപി,ബാലചന്ദ്രമേനോന്,ശങ്കര് രാമകൃഷ്ണന്, മാമുക്കോയ, ശ്യാമപ്രസാദ്, രമ്യ, അലന്സിയര്, സുരേഷ് കൃഷ്ണ, മാത്യു തോമസ്, ജയകൃഷ്ണന്, മേഘനാഥന്, സുദേവ് നായര്, മുകുന്ദന്, സുധീര് കരമന, ബാലാജി, ജയന് ചേര്ത്തല, ഗായത്രി അരുണ്, രശ്മി ബോബന്, വി കെ ബൈജു, നന്ദു,വെട്ടുകിളി പ്രകാശ്, ഡോക്ടര് റോണി , സാബ് ജോണ് ,ഡോക്ടര് പ്രമീള ദേവി, അര്ച്ചന മനോജ്, കൃഷ്ണ തുടങ്ങിയ വലിയ ഒരു താര നിര തന്നെ ഈ സിനിമയിലുണ്ട്. റഫീഖ് അഹമ്മദിന്റെ വരികള്ക്ക് ഈണം നല്കുന്നത് ഗോപി സുന്ദറാണ്.