എംഎ നിഷാദ് സംവിധാനം ചെയ്ത സസ്പെന്സ് ത്രില്ലര് തെളിവ് ഒക്റ്റോബര് 18ന് തിയറ്ററുകളിലെത്തുന്നു. ലാല്സലാം എന്ന ഒറ്റ സിനിമ കൊണ്ട് മലയാളിക്ക് പ്രിയങ്കരനായ ചെറിയാന് കല്പ്പകവാടി തിരക്കഥയൊരുക്കിയ ചിത്രവുമാണ് തെളിവ്.
ഒരു കുറ്റാന്വേഷണത്തിന്റെ ഉദ്വേഗജനകമായ വഴികളിലൂടെയാണ് സിനിമ കടന്നുപോകുന്നതെന്ന് സംവിധായകന്.ഒറ്റയ്ക്ക് ജീവിക്കുന്ന ഒരു സ്ത്രീ സമൂഹത്തില് നേരിടുന്ന കഠിനമായ പരീക്ഷണങ്ങളും അതിജീവനത്തിനായി നടത്തേണ്ടിവരുന്ന പോരാട്ടങ്ങളും സിനിമയില് പ്രമേയമാകുന്നു. മോഹന്ലാല് ആണ് ട്രെയിലര് പുറത്തുവിട്ടത്.
ലാല്, ആശ ശരത്, രഞ്ജി പണിക്കര്, നെടുമുടി വേണു, സയിദ് മൊഹസിന് ഖാന്, മണിയന്പിള്ള രാജു, രാജേഷ് ശര്മ തുടങ്ങിയവര് അഭിനയിക്കുന്നു. ഇഥിക പ്രൊഡക്ഷന്സിന്റെ ബാനറില് പ്രേംകുമാറാണ് തെളിവ് നിര്മിച്ചത്. എം. ജയചന്ദ്രന് പശ്ചാത്തല സംഗീതവും കല്ലറ ഗോപന് സംഗീതസംവിധാനവും നിര്വഹിച്ചിരിക്കുന്നു.
കെ. ജയകുമാര്, പ്രഭാ വര്മ എന്നിവരാണ് തെളിവിലെ ഗാനങ്ങള് രചിച്ചത്. നിഖില് എസ്. പ്രവീണ് ഛായാഗ്രഹണവും ശ്രീകുമാര് നായര് എഡിറ്റിങ്ങും നിര്വഹിച്ചിരിക്കുന്നു.