Film News

വലതു തോളില്‍ ഇരുമുടിക്കെട്ടും ഇടതുകൈയാല്‍ ഇങ്ക്വിലാബും, സഖാവും സ്വാമിയുമായി ബിജുമേനോന്‍

THE CUE

ശബരിമലയ്ക്ക് പോകാന്‍ മാലയിട്ടിറങ്ങിയ സഖാവ്, ഇടതുകൈയാല്‍ മുഷ്ടി ചുരുട്ടി മുദ്രാവാക്യം വിളിക്കുകയും വലതു തോളില്‍ ഇരുമുടിക്കെട്ടേന്തുകയും ചെയ്ത ബിജു മേനോന്റെ മോഷന്‍ പോസ്റ്ററുമായാണ് ലാല്‍ജോസിന്റെ ഇരുപത്തിയഞ്ചാമത് ചിത്രം നാല്‍പ്പത്തിയൊന്ന് . വിപ്ലവവഗാനത്തിന്റെ മൂഡും ശബരിമല സന്നിധാനത്തെ ഓര്‍മ്മപ്പെടുത്തുന്ന പശ്ചാത്തലസംഗീതവും സമന്വയിപ്പിച്ചാണ് മോഷന്‍ പോസ്റ്ററിന്റെ ബിജിഎം. ശബരിമലയ്ക്ക് പോകാന്‍ മാലയിട്ടിരിക്കുന്ന സഖാവ് ഉല്ലാസ് മാഷ് എന്ന കഥാപാത്രത്തെയാണ് ബിജു മേനോന്‍ അവതരിപ്പിക്കുന്നത്.

മലയാളത്തിലെ നാല്‍പ്പത്തിയൊന്ന് മുന്‍നിര ചലച്ചിത്രതാരങ്ങള്‍ ചേര്‍ന്നാണ് നാല്‍പ്പത്തിയൊന്ന് ടീസര്‍ പുറത്തിറക്കിയത്. ബിജു മേനോനൊപ്പം നവാഗതനായ ശരണ്‍ജിത്തും നായകതുല്യ കഥാപാത്രമായി ചിത്രത്തിലുണ്ട്. വാവാച്ചി കണ്ണന്‍ എന്ന കഥാപാത്രത്തെയാണ് ശരണ്‍ അവതരിപ്പിക്കുന്നത്. നവാഗതനായ പിജി പ്രഗീഷ് ആണ് തിരക്കഥ. രാഷ്ട്രീയം,സംഘര്‍ഷം,ഭക്തി എന്നീ പ്രമേയങ്ങള്‍ കൈകാര്യം ചെയ്യുന്ന എന്റര്‍ടെയിനറാണ് ചിത്രമെന്നറിയുന്നു

തലശേരി, തലക്കാവേരി, തൃശൂര്‍, ആലപ്പുഴ,എരുമേലി, ശബരിമല എന്നിവിടങ്ങളിലാണ് നാല്‍പ്പത്തിയൊന്ന് ചിത്രീകരിച്ചത്. രണ്ട് കാലഘട്ടത്തെ പ്രതിനിധീകരിക്കുന്ന ഭാഗ്യസൂയം എന്ന കഥാപാത്രമായി നിമിഷാ സജയന്‍ ചിത്രത്തില്‍ നായികയായി എത്തുന്നു.

യഥാര്‍ത്ഥ സംഭവങ്ങളില്‍ നിന്ന് കൂടി പ്രചോദനം ഉള്‍ക്കൊണ്ടാണ് സിനിമ. സംവിധായകന്‍ ജി പ്രജിത്തിന്റെ നേതൃത്വത്തിലുള്ള സിഗ്നേച്ചര്‍ സ്റ്റുഡിയോസ് ആണ് നിര്‍മ്മാണം. പ്രജിത്തിനൊപ്പം അനുമോദ് ബോസ്, ആദര്‍ശ് നാരായണ്‍, മനോജ് ജി കൃഷ്ണന്‍ എന്നിവരും പങ്കാളികളാകുന്നു. എസ് കുമാര്‍ ഛായാഗ്രാഹകനായി വീണ്ടും ലാല്‍ജോസിനൊപ്പം കൈകോര്‍ക്കുന്ന ചിത്രവുമാണ് നാല്‍പ്പത്തിയൊന്ന്. ബിജിബാല്‍ ആണ് സംഗീത സംവിധാനം. ഗാനരചന റഫീക്ക് അഹമ്മദ്,ശ്രീരേഖാ ഭാസ്‌കര്‍. രഞ്ജന്‍ എബ്രഹാം എഡിറ്റിംഗ്. ആര്‍ട് അജയ് മാങ്ങാട്, സൗണ്ട് ഡിസൈന്‍ രംഗനാഥ് രവി. കോസ്റ്റിയൂംസ് സമീറാ സനീഷ്, സ്റ്റില്‍സ് മോമി.

തലമുറകളുടെ രുചിക്കൂട്ട്; ഷാർജ പുസ്തകോത്സവത്തിൽ ഒമാനി ഹൽവയുടെ മധുരം

ഷാർജ പുസ്തകോത്സവത്തിന് നാളെ സമാപനം

കളങ്കാവലിലെ സ്റ്റീഫനിൽ നിന്ന് ബാഹുബലി നിർമ്മാതാക്കളുടെ 'ജോൺ ഡോ'യിലേക്ക്: സുശീൽ സുരേന്ദ്രൻ അഭിമുഖം

'മെറിബോയ്സ്' റിലീസ് ഡിസംബറിൽ; ചിത്രത്തിലെ ആദ്യ ക്യാമ്പസ് ഗാനം പുറത്തിറങ്ങി

ഭാവനയിലൂടെ യാഥാർഥ്യത്തെ മാറ്റാം; കഥകളുടെ ലോകം ചർച്ച ചെയ്ത് പുസ്കകമേള

SCROLL FOR NEXT