മിഥുന്‍ മാനുവല്‍ തോമസിന്റെ കുഞ്ചാക്കോ ബോബന്‍ ചിത്രത്തിന് തുടക്കമായി. ആഷിക് ഉസ്മാന്‍ നിര്‍മിക്കുന്ന ചിത്രത്തില്‍ ഷൈജു ഖാലിദാണ് ഛായാഗ്രഹണം. സുഷിന്‍ ശ്യാമാണ് സംഗീതം. ചിത്രത്തിന്റെ പൂജ കൊച്ചിയില്‍ കഴിഞ്ഞു.
സംവിധായകന്‍ തന്നെ തിരക്കഥ ഒരുക്കിയിരിക്കുന്ന ചിത്രത്തില്‍ മഹേഷിന്റെ പ്രതികാരം,പറവ, വൈറസ്,തുടങ്ങിയ ചിത്രത്തിലൂടെ പ്രേക്ഷകര്‍ക്ക് പരിചിതമായ ഉണ്ണിമായയാണ് മറ്റൊരു കേന്ദ്ര കഥാപാത്രത്തെ അവതരിപ്പിക്കുന്നത്. ചിത്രം ഒരു ത്രില്ലറാണെന്നാണ് സൂചന.
ഇരുവരെയും കൂടാതെ ശ്രീനാഥ് ഭാസി, ഷറഫുദ്ദീന്‍, ജിനു ജോസഫ്, ഉണ്ണിമായ, ദിവ്യ ഗോപിനാഥ് തുടങ്ങിയവരും ചിത്രത്തിലുണ്ട്. ഇതാദ്യമായാണ് കുഞ്ചാക്കോ ബോബനും മിഥുന്‍ മാനുവലും ഒന്നിക്കുന്നത്. കാളിദാസ് ജയറാം നായകനായ അര്‍ജന്റീന ഫാന്‍സ് കാട്ടൂര്‍ക്കടവാണ് ഇതിന് മുന്‍പ് മിഥുന്‍ സംവിധാനം ചെയ്ത ചിത്രം.