മുംബൈയെ പാക്ക് അധിനിവേഷ കാശ്മീരെന്ന് വിശേഷിപ്പിച്ച് വീണ്ടും നടി കങ്കണ റണാവത്. മുംബൈയിലെ തന്റെ ഓഫീസ് പൊളിച്ചുമാറ്റുന്ന നടപടിയെ വിമര്‍ശിച്ചു കൊണ്ടായിരുന്നു നടിയുടെ ട്വീറ്റ്. അനധികൃത നിര്‍മ്മാണം കണ്ടെത്തിയതിനെ തുടര്‍ന്നായിരുന്നു നടിയുടെ ഓഫീസ് പൊളിച്ചുനീക്കാനുള്ള നടപടി മുംബൈ കോര്‍പറേഷന്‍ ആരംഭിച്ചത്.
ക്യു’ ഇപ്പോള്‍ ടെലഗ്രാമിലും ലഭ്യമാണ്. കൂടുതല്‍ വാര്‍ത്തകള്‍ക്കും അപ്‌ഡേറ്റുകള്‍ക്കുമായി ടെലഗ്രാം ചാനല്‍ സബ്‌സ്‌ക്രൈബ് ചെയ്യാം
'മുംബൈ ഇപ്പോള്‍ പാക് അധിനിവേശ കാശ്മീരാണ്. ഞാന്‍ പറഞ്ഞത് തെറ്റായിരുന്നില്ല, എന്റെ ശത്രുക്കള്‍ അത് വീണ്ടും വീണ്ടും തെളിയിക്കുകയാണ്', ട്വീറ്റില്‍ കങ്കണ പറയുന്നു. ജനാധിപത്യം മരിച്ചു എന്ന ഹാഷ്ടാഗോടെയായിരുന്നു ട്വീറ്റ്. മുംബൈ കോര്‍പറേഷന്റെ നടപടിക്കെതിരെ നടി ഹൈക്കോടതിയെ സമീപിച്ചിട്ടുണ്ട്.
തന്റെ ഓഫീസ് പൊളിക്കുന്നത് രാമക്ഷേത്രം പൊളിക്കുന്നതിന് സമാനമാണെന്നാണ് മറ്റൊരു ട്വീറ്റില്‍ കങ്കണ പറയുന്നത്. അത് എനിക്ക് വെറും കെട്ടിടമല്ല, രാമക്ഷേത്രം തന്നെയായിരുന്നു. ബാബര്‍ ആ രാമക്ഷേത്രം തകര്‍ത്തു. എന്നാല്‍ അവിടെ രാമക്ഷേത്രം വീണ്ടും നിര്‍മ്മിക്കുമെന്നും നടി ട്വീറ്റില്‍ പറയുന്നു.