Film News

അമർ അക്ബർ അന്തോണിയിലേക്ക് ആദ്യം വിളിക്കുന്നത് സാജു നവോദയ അവതരിപ്പിച്ച കഥാപാത്രത്തിനായി: കലാഭവൻ ഷാജോൺ

'അമർ അക്ബർ അന്തോണി' എന്ന ചിത്രത്തിലെ ജടായു സാബു എന്ന കഥാപാത്രത്തിന്റെ ഓർമ്മ പങ്കുവെച്ച് നടൻ കലാഭവൻ ഷാജോൺ. ആദ്യം സജു നവോദയ അവതരിപ്പിച്ച കഥാപാത്രത്തിനായാണ് തന്നെ സിനിമയുടെ ടീം സമീപിച്ചത്. പിന്നീടാണ് ജടായു സാബു എന്ന കഥാപാത്രത്തിലേക്ക് എത്തിയതെന്ന് കലാഭവൻ ഷാജോൺ പറഞ്ഞു. ക്യു സ്റ്റുഡിയോ അഭിമുഖത്തിൽ സംസാരിക്കുകയായിരുന്നു കലാഭവൻ ഷാജോൺ.

'ബിബിനും വിഷ്ണുവും ഈ കഥ വായിച്ച് കേൾപ്പിച്ചപ്പോൾ, ഇതൊരു ഉഗ്രൻ സിനിമയായിരിക്കും എന്ന് ഉറപ്പായിരുന്നു. സാജു നവോദയ അവതരിപ്പിച്ച ദുരന്തൻ കഥാപാത്രമായിരുന്നു ആദ്യം എനിക്ക് വെച്ചിരുന്നത്. എന്നാൽ ആ സമയം കോമഡിയല്ലാത്ത ചില കഥാപാത്രങ്ങളൊക്കെ ചെയ്തു ചർച്ചയായപ്പോൾ ഈ കഥാപാത്രത്തിലേക്ക് മാറ്റം എന്ന ആലോചന അവർ പറയുന്നത്. ഉഗ്രൻ കഥാപാത്രമായത് കൊണ്ട് തന്നെ അത് ചെയ്യുവാൻ എനിക്കും ഇഷ്ടമായിരുന്നു. ആ കഥാപാത്രത്തെ എല്ലാവർക്കും ഇഷ്ടമാകുമെന്ന് ഉറപ്പുണ്ടായിരുന്നു,' കലാഭവൻ ഷാജോൺ പറഞ്ഞു.

2015 ലായിരുന്നു ചിത്രം റിലീസിനെത്തിയത്. ബിബിൻ ജോർജ്, വിഷ്ണു ഉണ്ണികൃഷ്ണൻ എന്നിവർ ചേർന്ന് തിരക്കഥയൊരുക്കിയ ചിത്രം സംവിധാനം ചെയ്തത് നാദിർഷ ആണ്. 50 കോടിയോളം ചിത്രം ബോക്സോഫീസിൽ കളക്ട് ചെയ്തു. ജോൺ ജാനി ജനാർദ്ദൻ എന്ന പേരിൽ‌ കന്നഡയിലേക്കും ചിത്രം റീമേക്ക് ചെയ്തിരുന്നു.

പ്രേക്ഷകരെയും കണ്ണീർ നനയിപ്പിച്ച സുരാജിന്റെ പ്രകടനം; ഹെയിൽ മേരിയിലെ ‘മാരിവില്ലിൻ ചിറകെ’ റിലീസായി

വൻ താരനിരയുമായി 'ബാച്ച്‌ലർ പാർട്ടി 'deux' നാളെ തിയറ്ററുകളിലേക്ക്

IFFI, IFFK വേദികളിൽ 'ഒറ്റ ഞാവൽ മരം', ക്രെഡിറ്റ് ശ്രുതി ശരണ്യത്തിന്: ലിജു പ്രഭാകർ

30-ലേറെ രാജ്യങ്ങൾ, 60-ലേറെ സ്കൂളുകൾ; എംഎസ്എസ് യൂത്ത് ഫെസ്റ്റിവൽ ഡിസംബർ 2ന്

തലമുറകളുടെ രുചിക്കൂട്ട്; ഷാർജ പുസ്തകോത്സവത്തിൽ ഒമാനി ഹൽവയുടെ മധുരം

SCROLL FOR NEXT