മുംബൈ പൊലീസ് എന്ന ത്രില്ലറിന് ശേഷം ബോബി-സഞ്ജയ് ടീമിന്റെ രചനയില് റോഷന് ആന്ഡ്രൂസ് ഒരുക്കുന്ന ത്രില്ലറിന് സല്യൂട്ട് എന്ന് പേരിട്ടു. ദുല്ഖര് സല്മാന് ഐപിഎസ് ഓഫീസറായി എത്തുന്നു. ആദ്യ ഷെഡ്യൂള് തിരുവനന്തപുരത്ത് പുരോഗമിക്കുകയാണ്.
ദുല്ഖര് സല്മാനും റോഷന് ആന്ഡ്രൂസും ഒരുമിക്കുന്ന ആദ്യ ചിത്രവുമാണ് സല്യൂട്ട്. വേഫറെര് ഫിലിമ്സിന്റെ ബാനറില് ദുല്ഖര് സല്മാനാണ് നിര്മ്മാണം. ദുല്ഖര് നിര്മ്മാതാവാകുന്ന അഞ്ചാമത്തെ ചിത്രം കൂടിയാണിത്.
ബോളിവുഡ് താരവും മോഡലുമായ ഡയാന പെന്റി നായികയാകുന്നു. സൈഫ് അലിഖാന്റെ കോക് ഡെയില് എന്ന ചിത്രത്തിലെ നായികയായിരുന്നു ഡയാന. മനോജ് കെ ജയന്, അലന്സിയര്, ബിനു പപ്പു, വിജയകുമാര്, ലക്ഷ്മി ഗോപാല സ്വാമി തുടങ്ങിയവര് മറ്റു പ്രധാന വേഷങ്ങളില് എത്തുന്നു.
തെന്നിന്ത്യയിലെ പ്രശസ്ത സംഗീതസംവിധായകന് സന്തോഷ് നാരായണനാണ് സംഗീതമൊരുക്കുന്നത്. പിസ, സൂദു കാവും, കുക്കൂ, ജിഗര്തണ്ട, മദ്രാസ്, കബാലി,കാല, പരിയേറും പെരുമാള്, വട ചെന്നൈ തുടങ്ങിയ ഹിറ്റ് ചിത്രങ്ങളിലൂടെ ശ്രദ്ധേയനായ സംഗീത സംവിധായകനാണ് സന്തോഷ് നാരായണന്. ശ്രീകര് പ്രസാദാണ് എഡിറ്റിംഗ്. ഛായാഗ്രഹണം അസ്ലം പുരയില്
മേക്കപ്പ് സജി കൊരട്ടി, വസ്ത്രാലങ്കാരം സുജിത് സുധാകരന്, ആര്ട്ട് സിറില് കുരുവിള, സ്റ്റില്സ് രോഹിത്, പ്രൊഡക്ഷന് കണ്ട്രോളര് സിദ്ധു പനയ്ക്കല്, പിആര്ഒ മഞ്ജു ഗോപിനാഥ്.