നാനിയ്‌ക്കൊപ്പം കീര്‍ത്തി സുരേഷും ഷൈന്‍ ടോം ചാക്കോയും പ്രധാനവേഷത്തിലെത്തുന്ന ദസറയുടെ ടീസര്‍ റിലീസ് ചെയ്തു. ശ്രീകാന്ത് ഒഡേല സംവിധാനം ചെയ്യുന്ന ചിത്രത്തില്‍ മേക്ക് ഓവറിലാണ് നാനിയെത്തുന്നത്. കല്‍ക്കരി ഖനികളില്‍ ജോലി ചെയ്യുന്ന ഒരു കൂട്ടം ആളുകളുടെ പശ്ചാത്തലത്തിലാണ് ചിത്രം കഥ പറയുന്നത്.
എസ്എസ് രാജമൗലി, ഷാഹിദ് കപൂര്‍, ധനുഷ്, ദുല്‍ഖര്‍ സല്‍മാന്‍, രക്ഷിത് ഷെട്ടി എന്നിവര്‍ ചേര്‍ന്നാണ് ചിത്രത്തിന്റെ ടീസര്‍ റിലീസ് ചെയ്തത്. ഷൈന്‍ ടോം ചാക്കോ നെഗറ്റീവ് ഷേഡിലാണ് ചിത്രത്തിലെത്തുന്നത്. തെലുങ്ക്, തമിഴ്, കന്നഡ, മലയാളം, ഹിന്ദി ഭാഷകളില്‍ മാര്‍ച്ച് 30 ന് ഒരേ സമയം റിലീസ് ചെയ്യും.
നാനിക്കൊപ്പം സായ് കുമാര്‍, ധീക്ഷിത് ഷെട്ടി, സമുദ്രക്കനി, സറീന വഹാബ് തുടങ്ങിയവരും ചിത്രത്തിലുണ്ട്.
നിര്‍മ്മാണം: സുധാകര്‍ ചെറുകൂരി, പ്രൊഡക്ഷന്‍ ബാനര്‍: ശ്രീ ലക്ഷ്മി വെങ്കിടേശ്വര സിനിമാസ്, ഛായാഗ്രഹണം ഡയറക്ടര്‍: സത്യന്‍ സൂര്യന്‍ ISC, സംഗീതം: സന്തോഷ് നാരായണന്‍, എഡിറ്റര്‍: നവീന്‍ നൂലി, പ്രൊഡക്ഷന്‍ ഡിസൈനര്‍: അവിനാഷ് കൊല്ല, എക്‌സിക്യൂട്ടീവ് പ്രൊഡ്യൂസര്‍: വിജയ് ചഗന്തി
സംഘട്ടനം : റിയല്‍ സതീഷ്, അന്‍ബരിവ്, പിആര്‍ഒ: ശബരി