കൊവിഡ് പ്രതിരോധപ്രവര്‍ത്തനങ്ങള്‍ക്ക് കരുത്തുപകരാനുള്ള കൊവിഡ് ബ്രിഗേഡിന്റെ പ്രചരണ ചിത്രവുമായി പൃഥ്വിരാജ് സുകുമാരനും ടൊവിനോ തോമസും. സംവിധായകന്‍ ഡോ.ബിജുവാണ് ഇരുവര്‍ക്കുമൊപ്പമുള്ള പ്രചരണ ചിത്രമൊരുക്കുന്നത്.
പ്രചരണ ചിത്രത്തിനുള്ള കോസ്റ്റിയൂമില്‍ പൃഥ്വിരാജ് സുകുമാരന്‍ ഫേസ്ബുക്കില്‍ ഫോട്ടോ ഷെയര്‍ ചെയ്തിരുന്നു. ബോധവല്‍ക്കരണ ചിത്രത്തിനായുള്ള ഷൂട്ടിംഗ് ദിവസം എന്ന കാപ്ഷനോടെയായിരുന്നു കണ്ണാടിക്ക് മുന്നിലുള്ള സെല്‍ഫി. ഇതേ ആംഗിളില്‍ തൊട്ടുപിന്നാലെ ടൊവിനോ തോമസും ഫോട്ടോ പോസ്റ്റ് ചെയ്തു. ഈച്ചകോപ്പിയെന്ന ടാഗ് ലൈനിലായിരുന്നു പോസ്റ്റ്.
കരുതലിന്റെ കരുത്ത് എന്ന കാപ്ഷനോടെ ഡോ.ബിജു ഷൂട്ടിംഗിന്റെ ചിത്രങ്ങള്‍ ഷെയര്‍ ചെയ്തിട്ടുണ്ട്. ടൊവിനോ തോമസിനെ നായനാക്കി പുതിയ സിനിമയുടെ പ്രീ പ്രൊഡക്ഷനിലാണ് ഡോ.ബിജു