'നടി അനുശ്രീയും കോൺഗ്രസ്സിലേയ്ക്ക്' എന്ന സൈബർ പ്രചാരണത്തിനെതിരെ സോഷ്യൽ മീഡിയയിലൂടെ പ്രതികരിച്ച് താരം. ഇൻസ്റ്റാഗ്രാം സ്റ്റോറിയിലൂടെയാണ് രാഷ്ട്രീയത്തിലേക്കെന്ന വ്യാജ പ്രചാരണത്തിനെതിരെ അനുശ്രീ രംഗത്തെത്തിയിരിക്കുന്നത്. ധര്മജന് ഇഫക്ട് തുടരുന്നു അനുശ്രീ കോണ്ഗ്രസിലേക്ക് എന്നെഴുതിയ ഒരു പോസ്റ്ററിന് താഴെയാണ് അനുശ്രീ തന്റെ പ്രതികരണം അറിയിച്ചിരിക്കുന്നത്.
‘ഈ ആളുകള്ക്കൊന്നും ഒരു പണിയും ഇല്ലേ, അറിയാന് പാടില്ലാഞ്ഞു ചോദിക്കുവാ. വേറെ ന്യൂസ് ഒന്നും കിട്ടാനില്ലേ, കഷ്ടം’ എന്നാണ് അനുശ്രീ ഇന്സ്റ്റഗ്രാം സ്റ്റോറിയില് എഴുതിയത്'അനുശ്രീ
തദ്ദേശ തെരെഞ്ഞെടുപ്പിൽ യു.ഡി.എഫ് സ്ഥാനാര്ത്ഥി റിനോയ് വര്ഗീസിന്റെ പ്രചരണത്തിനായി സംഘടിപ്പിച്ച കുടുംബ സംഗമത്തിൽ അനുശ്രീ പങ്കെടുത്തിരുന്നു. ബാലഗോകുലത്തിന്റെ ശ്രീകൃഷ്ണജയന്തി ആഘോഷങ്ങളിലും അനുശ്രീ സജീവ സാന്നിധ്യമായിരുന്നു. നടന്മാരായ ധർമജൻ ബോൾഗാട്ടിയും , രമേശ് പിഷാരടിയും കോണ്ഗ്രസില് അംഗത്വമെടുത്തിരുന്നു. അതേസമയം ഇത്തവണത്തെ തെരഞ്ഞെടുപ്പില് മത്സരിക്കുന്നില്ലെന്ന് രമേഷ് പിഷാരടി വ്യക്തമാക്കിയിരുന്നു. തന്റെ സുഹൃത്തായ ധര്മ്മജന് മത്സരിക്കുകയാണെങ്കില് മുഖ്യ പ്രചാരകനാകുമെന്നും പിഷാരടി അറിയിച്ചിരുന്നു. രമേശ് ചെന്നിത്തല നയിക്കുന്ന ഐശ്വര്യ കേരളയാത്രയില് ഇടവേള ബാബുവും പങ്കെടുത്തിരുന്നു.