തിയറ്ററുകളിൽ മികച്ച പ്രേക്ഷക പ്രതികരണം നേടി മുന്നേറുന്ന അനുഗ്രഹീതൻ ആന്റണിയുടെ മേക്കിങ് വിഡിയോ റിലീസ് ചെയ്തു. ചിത്രത്തിൽ കുട്ടൻ എന്ന കഥാപാത്രത്തെ അവതരിപ്പിച്ച വ്ലോഗ്ഗർ മെൽവിൻ ആണ് വിഡിയോയിലെ താരം. സിനിമയിലെ അണിയറപ്രവർത്തകരെ പരിചയപ്പെടുത്തുകയാണ് മേക്കിങ് വിഡിയോയിലൂടെ മെൽവിൻ. സിനിമയിലെ നായകൻ സണ്ണി വെയ്ൻ പാലത്തിൽ നിന്നും താഴേയ്ക്ക് ചാടുന്ന രംഗമാണ് മേക്കിങ് വീഡിയോയിലെ ഹൈലൈറ്റ്.
നവാഗതനായ പ്രിൻസ് ജോയ് സംവിധാനം ചെയ്ത ചിത്രത്തില് സണ്ണി വെയ്ൻ, ഗൗരികിഷൻ എന്നിവരാണ് പ്രധാനകഥാപാത്രങ്ങളെ അവതരിപ്പിക്കുന്നത്. ജാഫർ ഇടുക്കി, സിദ്ദീഖ്, മണികണ്ഠൻ, മെൽവിൻ തുടങ്ങിയവരാണ് മറ്റ് അഭിനേതാക്കൾ.