ശക്തമായ നിലപാടുകളുടെ പേരില്‍ പലപ്പോഴും വിമര്‍ശനമേറ്റുവാങ്ങേണ്ടി വരുന്ന നടിയാണ് പാര്‍വ്വതി. പൗരത്വ ഭേദഗതി നിയമത്തിലുള്‍പ്പടെ താരം തന്റെ നിലപാട് വ്യക്തമാക്കിയിരുന്നു. ഇപ്പോള്‍ മതത്തിന്റെ പേരില്‍ വിമര്‍ശനവുമായെത്തിയയാള്‍ക്ക് അതേ നാണയത്തില്‍ മറുപടി നല്‍കിയിരിക്കുകയാണ് പാര്‍വ്വതി.
മതംമാറുന്നില്ലേ പാര്‍വ്വതി എന്നു ചോദിച്ചുകൊണ്ടെത്തിയയാള്‍ക്കാണ് തന്റെ ഇന്‍സ്റ്റഗ്രാം സ്‌റ്റോറിയിലൂടെ പാര്‍വ്വതി മറുപടി കൊടുത്തത്. 'മതം മാറുന്നില്ലേ പാര്‍വ്വതി? തന്റെ പേരിന്റെ ഉത്ഭവം അറിയാമോ? കുറച്ചു ഫാന്‍സിനെ കിട്ടാന്‍ ഇത്ര ചീപ്പാവല്ലേ കുട്ടീ. ഇയാള്‍ മതം മാറിയാല്‍ ഹിന്ദുമതത്തിന് ഒന്നും സംഭവിക്കില്ല. കമല സുരയ്യയുടെ ഗതി വരാതിരിക്കട്ടെ.' ഇതായിരുന്നു പാര്‍വ്വതിക്ക് ലഭിച്ച സന്ദേശം.
ദ ക്യു’ ഇപ്പോള്‍ ടെലഗ്രാമിലും ലഭ്യമാണ്. കൂടുതല്‍ വാര്‍ത്തകള്‍ക്കും അപ്‌ഡേറ്റുകള്‍ക്കുമായി ടെലഗ്രാം ചാനല്‍ സബ്‌സ്‌ക്രൈബ് ചെയ്യാം
ഈ സന്ദേശം ഇന്‍സ്റ്റഗ്രാമിലൂടെ പങ്കുവെച്ച പാര്‍വ്വതി തന്റെ മറുപടിയും കുറിച്ചിരുന്നു. എന്തൊരു ഉത്കണ്ഠയെന്നായിരുന്നു ചോദ്യത്തിന് പാര്‍വ്വതി നല്‍കിയ മറുപടി. ‘പക്ഷെ ഹിന്ദുമതം സുരക്ഷിതമാണെന്ന’ ഹാഷ്ടാഗും( #buthinduismsafe ) ഒപ്പം ചേര്‍ത്തിരുന്നു.