മറ്റൊരു മലയാള ചിത്രം കൂടി ബോളിവുഡ് റീമേക്കിന്. കൊവിഡ് ലോക്ക് ഡൗണിന് മുമ്പ് തിയറ്ററുകളില് വിജയകരമായി പ്രദര്ശിപ്പിച്ച ടൊവിനോ തോമസ് ചിത്രം 'ഫോറന്സിക്' ആണ് ഹിന്ദിയില് ഒരുങ്ങുന്നത്. വിക്രാന്ത് മസേ ടൊവിനോ തോമസ് അവതരിപ്പിച്ച നായകകഥാപാത്രമായി എത്തും. മറ്റ് അഭിനേതാക്കളെ പുറത്തുവിട്ടിട്ടില്ല.
ഇന്റലിജന്റ് ഫിലിം എന്നാണ് വിക്രാന്ത് മസേ ഫോറന്സികിനെ വിശേഷിപ്പിച്ചത്. അഖില് പോളും അന്സാര് ഖാനും ചേര്ന്നാണ് മലയാളം പതിപ്പ് സംവിധാനം ചെയ്തത്. ടൊവിനോ തോമസ് അവതരിപ്പിച്ച ഫോറന്സിക് ഓഫീസറുടെ റോളിലാണ് വിക്രാന്ത് എത്തുക.
മിനി ഫിലിംസിന്റെ ബാനറില് മന്സി ബംഗ്ലയാണ് ഫോറന്സിക് ഹിന്ദിയിലെത്തിക്കുന്നത്. സച്ചി സംവിധാനം ചെയ്ത അയ്യപ്പനും കോശിയും, അന്ന ബെന് നായികയായ ഹെലന് എന്നീ സിനിമകളും ഹിന്ദിയില് റീമേക്ക് ചെയ്യുന്നുണ്ട്. ജോണ് എബ്രഹാം ആണ് അയ്യപ്പനും കോശിയും റീമേക്ക് അവകാശം സ്വന്തമാക്കിയിരിക്കുന്നത്.
മിനിസ്ക്രീനില് നിന്ന് അഭിനയ രംഗത്തെത്തിയ വിക്രാന്ത് മസേ ലൂട്ടേര, ദില് ധഡ്കനേ ദോ, ഹാല്ഫ് ഗേള്ഫ്രണ്ട് എന്നീ സിനിമകളിലൂടെയാണ് ശ്രദ്ധിക്കപ്പെടുന്നത്. കൊങ്കണാ സെന് ശര്മ്മയുടെ എ ഡത്ത് ഇന് ദ ഗഞ്ചിലെ അഭിനയത്തിന് മികച്ച നടനുള്ള ഫിലിം ഫെയര് നോമിനേഷനും ലഭിച്ചിരുന്നു. മിര്സാപൂരിലെ ബബ്ലു എന്ന കഥാപാത്രമാണ് വിക്രാന്തിന് വലിയ സ്വീകാര്യത നേടിക്കൊടുത്തത്.
Vikrant Massey steps into Tovino Thomas' role Bollywood remake of Malayalam thriller, Forensic