സെക്കന്‍ഡ് ഷോ അനുവദിച്ചതിന് പിന്നാലെ കൂട്ടത്തോടെ റിലീസ് പ്രഖ്യാപിച്ച് സിനിമകള്‍. മമ്മൂട്ടിയും മഞ്ജു വാര്യരും കേന്ദ്രകഥാപാത്രങ്ങളാകുന്ന ദി പ്രീസ്റ്റ് മാര്‍ച്ച് 11ന് റിലീസ് ചെയ്യും. ത്രില്ലര്‍ ഗണത്തിലുള്ള സിനിമ നവാഗതനായ ജോഫിന്‍.ടി.ചാക്കോയാണ് സംവിധാനം ചെയ്തിരിക്കുന്നത്. ആന്റോ ജോസഫ് ഫിലിം കമ്പനിയും ആര്‍ ഡി ഇല്യുമിനേഷന്‍സും ചേര്‍ന്നാണ് നിര്‍മ്മാണം.
മമ്മൂട്ടിയും മഞ്ജു വാര്യരും ആദ്യമായി ഒരുമിച്ചെത്തുന്ന ചിത്രവുമാണ് ദി പ്രീസ്റ്റ്. ആന്റോ ജോസഫ് ഫിലിം കമ്പനിക്കൊപ്പം ബി.ഉണ്ണിക്കൃഷ്ണന്‍, വി.എന്‍ ബാബു എന്നിവരും നിര്‍മ്മാതാക്കളാണ്.
മമ്മൂട്ടിക്കും മഞ്ജു വാര്യര്‍ക്കുമൊപ്പം കൈദി ഫെയിം ബേബി മോണിക്ക, നിഖില വിമല്‍, ശ്രീനാഥ് ഭാസി, മധുപാല്‍,ജഗദീഷ്, എന്നിവരും ദ പ്രീസ്റ്റിലുണ്ട്. ആന്റോ ജോസഫ് ഫിലിം കമ്പനിയും ആര്‍.ഡി ഇലുമിനേഷന്‍സും ചേര്‍ന്നാണ് നിര്‍മ്മാണം. ആന്റോ ജോസഫ് ഫിലിം കമ്പനിയുടെ ബാനറില്‍ കൊവിഡിനിടെ പൂര്‍ത്തിയായ രണ്ടാമത്തെ ചിത്രവുമാണ് ദ പ്രീസ്റ്റ്.
ശ്യാം മേനോനും ദീപു പ്രദീപുമാണ് പ്രീസ്റ്റ് തിരക്കഥ. രാഹുല്‍ രാജ് സംഗീത സംവിധാനം.