സുസുക്കി, തങ്ങളുടെ പുതിയ ജിക്‌സര്‍ എസ്‌എഫ് മോട്ടോജിപി എഡിഷന്‍ ഇന്ത്യയില്‍ ഇറക്കി. സ്റ്റാന്റേര്‍ഡ് ജിക്‌സര്‍ എസ്‌എഫ് മോഡലിന്റെ അടിസ്ഥാനത്തിലാണ് പുതിയ മോട്ടോ ജിപി എഡിഷന്‍.
155 സിസി സിംഗിള്‍ സിലിണ്ടര്‍ എയര്‍ കുള്‍ഡ് എന്ജിന് തന്നെയാണ് മോട്ടോജിപി എഡിഷനിലുമുള്ളത്. 8000 ആര്‍പിഎമ്മില്‍ 13.9 ബിഎച്ച്‌പി പവറും 6000 ആര്‍പിഎമ്മില്‍ 14 എന്‍എം ടോര്‍ക്കുo പുതിയ മോഡലിന്റെ എന്ജിന് ലഭിക്കും. 5 സ്പീഡ്ഗിയര്‍ബോക്‌സും സുരക്ഷയ്ക്കായി മുന്നിലും പിന്നിലും ഡിസ്‌ക് ബ്രേക്കിനൊപ്പം സിംഗിള്‍ ചാനല്‍ എബിഎസ് സുരക്ഷയും പുതിയ മോട്ടോ ജി പി എഡിഷന്റെ പ്രത്യേകതകളാണ്. അധികം വൈകാതെ ജിക്‌സര്‍ എസ്‌എഫ് 250 മോട്ടോജിപി എഡിഷനും സുസുക്കി ഇന്ത്യയിലെത്തിക്കുമെന്നാണ് റിപ്പോർട്ട്.
110,605 രൂപയാണ് വാഹനത്തിന്റെ ഡല്‍ഹി എക്‌സ്‌ഷോറൂം വില. 2019 മോട്ടോജിപി ബൈക്കിന് സമാനമായ ഡിസൈനില്‍ സുസുക്കി റേസിങ് ബ്ലൂ ഫിനിഷിലാണ് എസ്‌എഫ് മോട്ടോജിപി എഡിഷന്‍ ഇറക്കുന്നത്.